Jinoyat huquqi fanidan yakuniy nazorat savollari Jinoyat tarkibining zaruriy va fakultativ belgilarini muhokama eting
Download 0.83 Mb. Pdf ko'rish
|
Jinoyat huquqi yakuniy nazorat
|
Kazus A. Sabirov “Zangiotametallsavdo” MChJ rahbari lavozimida ishlab kelib, Toshkent shahar, Mirzo Ulug‘bek tumani 1-sonli davlat notarial idorasida notarius lavozimida ishlab kelgan I. Obidova bilan jinoiy til biriktirib, bankdan kredit mablag‘larini olish uchun 2018-yil 23-mart kuni fuqaro Z. Xalmuratovani O‘zbekiston Respublikasi hududidan AQSH davlatiga ketganligini bila turib, uning Mirzo Ulug‘bek, A.Qaxxor ko‘chasi, 10-A uyini garovga qo‘yishga rozilik berish to‘g‘risidagi arizasini va undagi imzosini qalbakilashtirishgan hamda ushbu arizani qalbaki ekanligini bila turib, undan foydalanib, XATB “Davr bank”ning Mirzo Ulug‘bek tuman filialidan 2019-yilning mart oyida 200.000.000 so‘m va oktyabr oyida 1.000.000.000 so‘m miqdorida kredit mablag‘larini “Zangiotametallsavdo” MChJning hisob raqamiga tushirilishiga erishgan. Sud-xatshunoslik ekspertizasining 2020-yil 19-maydagi 770-sonli xulosasiga ko‘ra, 2018-yil 23-martdagi 77111-sonli reyestrga qayd etilgan arizadagi “Imzo” grafasidagi qo‘lyozma yozuvlar va qo‘yilgan imzo I.Obidova tomonidan bajarilganligi aniqlangan. 1. O‘zbekiston Respublikasi Oliy sudi Plenumining 2008-yil 5-maydagi 13- sonli «Bir necha jinoyat sodir etilganda qilmishni kvalifikasiya qilishga doir masalalar to‘g‘risida»gi Qarori asosida vaziyatga huquqiy baho bering hamda jinoyat tarkibini tahlil qiling. 2. Kazusdan kelib chiqqan holda ishtirokchilik shakllarining o‘ziga xos xususiyatlarini bayon qiling.
Mazkur kazusda “Zangiotametallsavdo” MChJ rahbari lavozimida ishlab kelgan A.Sabirov Toshkent shahar, Mirzo Ulug‘bek tumani 1-sonli davlat notarial idorasida notarius lavozimida ishlab kelgan I.Obidova bilan jinoiy til biriktirilganligi, bankdan kredit mablag‘larini olish uchun 2018-yil 23-mart kuni fuqaro Z. Xalmuratovani O‘zbekiston Respublikasi hududidan AQSH davlatiga ketganligini bila turib, uning Mirzo Ulug‘bek, A.Qaxxor ko‘chasi, 10-A uyini garovga qo‘yishga rozilik berish to‘g‘risidagi arizasini va undagi imzosini qalbakilashtirishganligi hamda ushbu arizani qalbaki ekanligini bila turib, undan foydalanib, XATB “Davr bank”ning Mirzo Ulug‘bek tuman filialidan 2019 yilning mart oyida 200.000.000 so‘m va oktyabr oyida 1.000.000.000 so‘m miqdorida kredit mablag‘larini “Zangiotametallsavdo” MChJning hisob raqamiga tushirilishiga erishganliklari yoritilgan. Ushbu vaziyatda muammo sifatida quyidagilarni olishimiz mumkin:
Ma’lumki, jinoyat tarkibi – aniq ijtimoiy xavfli qilmishni jinoyat deb baholash uchun zarur bo‘lgan obyektiv va subyekt elementlar yig‘indisidir. Bu elementlar jinoyat qonunida mustahkamlanganligi bois, u yoki bu ijtimoiy xavfli qilmishning jinoyat deb baholanmog‘i uchun zarur hisoblanadi 6 . Bundan kelib chiqadiki, ijtimoiy-huquqiy hodisa sifatida jinoyat tarkibi murakkab elementlarni o‘zida umumlashtiradi. Ushbu elementlar alohida yoki to‘liq bo‘lmagan tarkibda jinoyat sifatida qaralmaydi. A.S. Yakubov, R. Kabulov va boshqalar olimlarning jinoyat tarkibi haqidagi qarashlariga e’tibor qaratadigan bo‘lsak, ular ham jinoyat tarkibining mavjudligi, albatta, uning barcha elementlari mavjud bo‘lishligini tushuntirishadi. Unga ko‘ra, mazkur elementlar JK Maxsus qismi konkret moddalarida ifodalangan. Maxsus qismning bu moddalari jinoyatning subyektiv va
6 Rustambayev M.X. O‘zbekiston Respublikasi jinoyat huquqi kursi. Tom 1. Jinoyat haqida ta’limot. Darslik. 2-nashr, to‘ldirilgan va qayta ishlangan – T.: O‘zbekiston Respublikasi Milliy gvardiyasi Harbiy-texnik instituti, 2018. – 441 bet. (137-bet); obyektiv elementlari – jinoyat tuzilishini shakllantiradi 7 . Albatta, bu qilmish o‘z- o‘zidan jinoyat deb topilmasligi, balki qonun chiqaruvchi tomonidan chiqarilgan jinoyat-huquqiy normalarda, aniqrog‘i, JK Maxsus qismi aniq moddalari bilan belgilangan jinoyat belgilari bilan solishtirilgandan keyingina shunday to‘xtamga kelish mumkinligini bildiradi. Jinoyat tarkibining obyektiv va subyekt elementlari, o‘z o‘rnida, obyekt, obyektiv tomon, subyekt, subyektiv tomon elementlaridan tarkib topgan. Dastavval, quyida jinoyat tarkibining ushbu elementlarini yuqoridagi kazusimizga bog‘lagan holda ko‘rib chiqamiz.
Download 0.83 Mb. Do'stlaringiz bilan baham: 
|