Жиззах 2010 1-лабаратория машғулоти

58. Калий перманганатнинг 1 н эритмаси. 32 г калий перманганат эритмаси 50 мл иссиқ сувда (70 – 80°С) эритилиб, ҳажми 1 л га етказилади. Унинг титри фиксоналдан тайёрланган 1 н шовул кислота билан аниқланади. 0,05 н эритмадан 200 марта суюлтириб тайёрланади.
59. Шиша кранлар учун суртма. 1) 3 қисм вазелин ва 1 қисм парафиндан (парафиннинг эриш ҳарорати 55°С), 2) 500 г вазелин ва 10 г табиий каучук (майда бўлакчалари) 100°С ли сув ҳаммомида каучук эригунча қиздирилади (тахминан 6 кун). Иссиқ қотишма қуйилиши учун унга бир чимдим мум солинади. Агар суртма суюқ бўлиб қолса, унга яна бир чимдим мум солинади.
60. Азотни аниқлаш учун стандарт эритмалар. Аммоний сульфат эксикаторда доимий оғирликкача қуритилади. Аналитик тарозиларда тортиб олинган 0,9432 г аммоний сульфат 1 л сувда эритилади (1 мл эритма 0,2 мг азот тутади (ёки 0,4716 г си 1 л сувда эритилади) 1 мл эритма 0,1 азот тутади).
61. Креатининни аниқлаш учун стандарт эритма. 100 мг креатинин 100 мл сувда эритилади (1 мл эритмада 1 мг креатинин бўлади).
62. Сийдик кислотанинг стандарт эритмаси. 0,5 г тоза эксикаторда яхшилаб қуритилган сийдик кислотага: 0,5 г литий карбонат, 25 мл сув қўшиб; 50 – 60° да эригунча қиздирилади. Эритма совитилгач, ҳажми сув билан 1 л га етказилади (1 мл эритмада 0,5 мг сийдик кислотага бўлади).
63. Сув билан тўйинган толуол. 250 мл толуол 250 мл сув билан воронкада 10 – 15 дақиқа чайқатилиб, тиндирилади, толуол қавати эҳтиётлик билан ажратиб олинади.
64. Учламчи хлор – йод – рух эритмаси. 50 г рух сульфат ва 250 г натрий хлорид 1 л ли колбага солиб эритилади. Ҳажми сув билан белгигача етказилади ва фильтрланади. Фақат ишлатиш олдидан эритманинг бир қисмига 2,5 г калий йодид қўшилади ва ҳажми юқоридаги аралашма билан 100 мл га етказилади.
65. Сув билан тўйинган фенол. 100 мл фенол айирув воронкасига солинади (олдиндан сув ҳаммомида 45°С гача қиздирилган) ва унга 25 мл сув қўшиб чайқатилади ва етти қисмга ажралгунча қолдирилади (фенолнинг пастки қавати рангсиз бўлиши керак). Пастки қаватдаги фенол аминокислоталар қоғоз хроматография усули билан ажратиш учун ишлатилади. Фенол билан эҳтиёт бўлиб ишлаш керак.