Joba: Ma’mleketlik kadastri tu’sinigi ha’m onın’ mazmunı

Kadastr obiektlerinin’ mug’dar ha’m sapa ko’rsetkishlerin esapqa alıw.

Kadastr obiektlerin sapa ha’m ma’nis jag’ınan bahalaw.

Ma’mleket kadastrların jeke sistemag’a kiritiw ushın tiyisli mag’lıwmat usınıw.

Paydalanıwshılardı kadastrg’a tiyisli mag’lıwmat menen ta’miynlew.


1. Kadastr obiektlerinde ju’zege kelgen huqıqtı ha’m olar menen baylanıslı du’zimlerdi ma’mleket diziminen o’tkeriw.

Ma’mleket kadastrların ju’ritiw tiyisli ministrler, ma’mleket basqarmaları, mekemeler ha’m jergilikli ma’mleket ha’kimiyatı organları ta’repinen a’melge asırıladı.

Ma’mleket kadastrların ju’ritiwge to’mendegiler kiredi:
Kadastr obiektlerine bolg’an mu’lk huqıqı ha’m basqa huqıqlardı ma’mleket diziminen o’tkeriw;
Kadastr obiektlerinin’ mug’dar ha’m sapa ko’rinislerin esapqa alıw;
Kadastr obiektlerini sapa ha’m ma’nis jaqtan bahalaw;
Kadastrg’a tiyisli xabardı sistemag’a salıw, saqlaw ha’m jan’alap barıw;
Kadastr obiektlerinin’ jag’dayı haqqında esabatlar du’ziw;
Ma’mleket kadastrları jeke sistemasına kiritiw ushın tiyisli xabar usınıw;
Paydalanıwshılardı nızam hu’jjetlerinde belgilengen ta’rtipte kadastrg’a baylanıslı xabar menen ta’miynlew.
Kadastr obiektlerinin’ mu’lkdarları ha’mde kadastr obiektlerine baylanıslı basqa huqıqlardın’ iyeleri tiyisli ministrlerlikler, ma’mleket basqarmaları, mekemeler, jergilikli ha’kimiyat organlarına kadastr obiektlerinin’ geografiyalıq jaylasıwı, huqıqıy atag’ı, mug’dar, sapa ko’rsetkishleri ha’m bahası tuwrısında, sonday-aq olardın’ jag’dayındag’ı o’zgerisler haqqında xabar usınıwları sha’rt.
Ma’mleket kadastrların ju’ritiw ta’rtibi O’zbekistan Respublikası Ministrler Kabineti ta’repinen tastıyıqlanadı.
Ma’mleket kadastrları ju’ritiliwin qarjılandırıw ma’mleket byudjeti esabınan a’melge asırıladı. (O’zbekistan Respublikasının’ Ma’mleket kadastrları haqqındag’ı nızamı 12-statya).

Ko’shpes mu’lkke iyelik huqıqı ha’m basqa ayrım huqıqlar, bul huqıqıqlardın’ ju’zege keliwi, basqa shaxslarg’a o’tiwi, shekleniwi ha’m biykar bolıwı ma’mleket diziminen o’tkeriliwi kerek.

Ko’shpes mal-mu’lkke bolg’an huqıqıqlardı ha’m ol haqqında duziletug’ın pitimlerdi ma’mleket diziminen o’tkeriwshi organ huqıq iyesinin’ iltimasına ko’re a’melge asırılg’an dizimnen o’tkeriwdi dizimnen o’tkerilgen huqıq ya’ki kelisim tuwrısında hu’jjet beriw ya’ki dizimnen o’tkeriw ushın usınılg’an hu’jjetke u’stxat jazıw jolı menen tastıyıqlawı sha’rt.
Ko’shpes mal-mu’lkke bolg’an huqıqlardı ha’m ol haqqında duziletug’ın kelisimlerdi diziminen o’tkeriwshi organ a’melge asırılg’an dizimnen o’tkeriw ha’mde dizimnen o’tkerilgen huqıqlar haqqındag’ı xabardı ha’r qanday shaxsqa beriwi sha’rt.
Xabar, dizimnen o’tkeriw qayjerde a’melge asırılg’anına qaramastan, ko’shpes mal-mu’lkti dizimnen o’tkeriwshi ha’r qanday organ ta’repinen beriledi.
Ko’shpes mal-mu’lkke bolg’an huqıqtı ya’ki ol haqqında du’zilgen kelisimdi ma’mleket diziminen o’tkeriwdi biykarlaw ya’ki dizimnen o’tkeriw mu’ddetlerinin’ buzılıwı u’stinen sudqa beriliwi mu’mkin.
Ma’mleket diziminen o’tkeriw ta’rtibi dizimdi o’tkeriwdi biykarlaw tiykarları nızam hu’jjetleri menen belgilep qoyıladı. (O’zbekistan Respublikası Puxaralıq kodeksi 84-statiyası).
Kadastr obiektlerine bolg’an huqıqlardı ma’mleket diziminen o’tkeriw yuridikalıq ha’m fizikalıq shaxslardın’ kadastr obiektlerine bolg’an huqıqları ma’mleket ta’repinen qaratılıwı ha’m tastıyıqlanıwının’ yuridikalıq hu’jjeti esaplanadı.
Kadastr obiektlerine bolg’an huqıqlardı ma’mleket diziminen o’tkeriw hu’jjetler menen tastıyıqlang’an xabarlardı ma’mleket restrlarına kiritiw jolı menen a’melge asırıladı.
Kadastr obiektlerine bolg’an huqıqlardı ma’mleket diziminen o’tkeriw kadastr obiektlerinin’ barlıq mu’lkdarları ha’m kadastr obiektlerine baylanıslı basqa huqıqlardın’ iyeleri ushın ma’jbu’riy. (O’zbekistan Respublikasının’ Ma’mleket kadastrları haqqındag’ı nızamı 13-statyası).