2. Kadastr obiektlerinin’ mug’dar ha’m sapa ko’rsetkishlerin esapqa alıw.
Kadastr obiektlerin esapqa alıw ministrlikler, ma’mleket basqarmaları, mekemeler, jergilikli ma’mleket ha’kimiyatı organlarının’ tiyisli bo’linmeleri ta’repinen kadastr obiektlerinin’ shegaraları shen’berinde, sonday-aq elatlı punktleri, rayonlar, kontinentler, ta’biyiy ha’m ekonomikalıq zonalar ha’mde pu’tkil O’zbekistan Respublikası boyınsha olardın’ a’meldegi jag’dayı ha’m olardan paydalanılıwına ko’re alıp barıladı.
Kadastr obiektine bolg’an mu’lk huqıqın ha’m basqa huqıqlardı tastıyıqlawshı hu’jjetler, obiekttin’ kadastr jıynalma jildi, kadastr kartası (planı), kadastr kitabı, kadastr obiektlerinin’ jag’dayı haqqındag’ı esabat kadastr hu’jjetlerinin’ tiykarg’ı tu’rleri.
Kadastr jiynalma jildi kadastr obiektine bolg’an huqıqtı rawajlandırıw, esapqa alıw ha’m keyinshelik ma’mleket diziminen o’tkeriw ushın za’ru’r bolatug’ın kadastr obiektin kadastr su’wretine alıw, texnikalıq inventarizatsiya qılıw ha’m pasportlastırıwdın’, arnawlı teksiriw ha’m izleniwlerdin’, sapası ha’m ma’nis jag’ınan bahalawdın’ hu’jjetleri, materiyalları ha’m mag’lıwmatlarınan ibarat boladı.
Kadastr kartası (planı) kadastr obiektleri jaylasqan jerdi, olardın’ shegaraları, qorg’alıw jerleri, bahalaw, mug’dar ha’m sapa ko’rsetkishlerin su’wretlewshi grafikalıq sızılma hu’jjeti bolıp, ol qag’azda, magnit ha’m basqa u’skenelerde du’ziledi.
Kadastr kitabı kadastr obiektlerin dizimnen otkeriw ha’m esapqa alıwdın’ tiykarg’ı hu’jjeti esaplanıp, ol kadastr obiektlerinin’ geografiyalıq jaylasıwı, huqıqıy atag’ı, mug’dar ha’m de sapa jag’ınan klassifikatsiyaları ha’m bahası haqqındag’ı mag’lıwmatlardan ibarat boladı.
Kadastr obiektlerinin’ jag’dayı tuwrısındag’ı esabat ma’mleket kadastrının’ ha’r bir tu’ri boyınsha belgilengen ta’rtipte du’ziledi ha’m de kadastr obiektlerinin’ ayrıqsha aymaqlar ha’m pu’tkil O’zbekistan Respublikası boyınsha mug’dar ha’m sapa jag’dayı, bahası haqqındag’ı mag’lıwmatlardı o’z ishine aladı.
Do'stlaringiz bilan baham: |
