Joba: Ma’mleketlik kadastri tu’sinigi ha’m onın’ mazmunı

Ma’mleketlik jer kadastrin ju’ritiw

Ma’mleketlik jer kadastri boyinsha Ma`mleketlik kadastri birden-bir sistemasina beriletug’in mag’liwmatlardin’ ta`rtibi



1. Ma`mleketlik jer kadastrinin’ quram bo’lekleri
Mamleketlik jer kadastri jer uchastkalarina bolg’an huquqlar kepilligin ta’miynlew, jerlerdi esapqa aliw ham bahalaw maqsetinde O’zbekistan Respublikasinin’ Jer kodeksi (O’zR 30.04.1998 j. 598-I-sanli Nizami menen tastiyqlang’an, O’zR 30.04.1998 j. 599-I-sanli Nizami menen a’melge kiritilgen), O’zbekistan Respublikasinin’ Qalasazliq kodeksi (O’zR 04.04.2002 j. 353-II-sanli Nizami menen tastiyqlang’an, O’zR Oliy Majilisi 04.04.2002 j. 354-II-sanli Nizamina muwapiq amelge kiritilgen), O’zbekistan Respublikasinin’ “Mamleketlik kadastrlar haqqinda”g’i Nizami (15.12.2000 j № 171-II), O’zbekistan Respublikasinin’ “Mamleketlik jer kadastri haqqinda”g’i Nizami (28.08.1998 j. № 666-I), O’zbekistan Respublikasi Ministrler Kabineti 2005 jil 16 fevraldag’i 66-sanli nizami menen tastiyqlang’an “Mamleketlik kadastrlar jeke sistemasin (MKBBS)ti jaratiw ham juritiw haqqindag’i Nizam”, O’zbekistan Respublikasi Ministrler Kabinetinin’ “Mamleketlik jer kadastrlarin juritiw haqqinda”g’i. 1998 jil 31 dekabrdegi 543-sanli nizamina muwapiq ju`ritiledi.
Mamleketlik jer kadastri jerlerdin’ tabiyiy, xojaliq ham huquqiy rejimi, tayipalari, sapa qa`siyetleri ha`m bahasi, jer uchastkalarinin’ orni ham o’lshemi, olardin’ jer iyeleri, jerden paydalaniwshilar, ijarashilar ham mu`lkdarlar ortasindag’i bo’listiriliwi haqqindag’i mag’liwmatlar ha`m hu`jjetler sistemasinan ibarat.
O’zbekistan Respublikasinin’ jer fondi: awil xojalig’ina mo’ljellengen jerler; xaliq jasaw punktlerinin’ (qalalar, posyolkalar ham awil xojaliq punktlerinin’) jerleri; sanaat, transport, baylanis, qorg’aniw ham basqa maqsetlerge mo’ljellengen jerler; tabiyatti qorg’aw, sawlamlastiriw, rekreatsiya maqsetlerine mo’ljellengen jerler; tariyxiy-madeniy a’hmiyetke iye jerler; tog’ay fondi jerleri ; suw fondi jerleri; zapastag’i jerler mamleketlik jer kadastri obiyektleri esaplanadi:
Jerdin’ tabiyiy qa’siyetlerin, huquqiy jag’dayin ham onnan paydalaniwi ha`r ta`repleme uyreniw ham bahalaw ma`mleketlik jer kadastrinin’ temasi esaplanadi.
Jer kadastri mag’liwmatin islep shig’iw texnologiyasin har dayim bekkemlew, sistemalaw, saqlaw, jan’alaw ham paydalaniwshilarg’a isenimli ham tejemli jer kadastri mag’liwmati beriw mamleketlik jer kadastrinin’ tiykarg’i waziypalari esaplanadi.
Mamleketlik jer kadastrin ju`ritiw aerokosmik suwretke aliw, topografiyaliq-geodeziyaliq, kartografiyaliq, topiraq, agroximiyaliq, geobotanikaliq izertlewler ha`m basqada izertlewler ha`m izleniwler alip bariw, jerlerdin’ mug’dar ham sapasin esapqa aliniwi ha`m bahalaniwi, yuridikaliq ha`m fizikaliq shaxslardin’ jer uchastkalarina bolg’an hujjetlerin ma`mleket diziminen o’tkeriw menen tamiynlenedi.
Ma`mleketlik jer kadastri, jer munasibetlerin ta`rtipke saliw maqsetinde ma`mleket ha`kimyati ha`m basqariwshi organlarin, ma’pdar yuridikaliq ha`m fizikaliq shaxslardi jer haqqindag’i mag’liwmatlar menen ta’miynlew, jerden aqilg’a muwapiq paydalaniwdi, qayta tiklew ham qorg’aw, jer du’ziwdi payda etiw, jer ushin haq to’lew mug’darlarin tiykarlaw, xojaliq iskerligin bahalaw ushin mo’lshellengen.