Jobası: Kislotalardıń atalıwı hám kislotalardıń alınıwı. Fizikalıq hám ximiyalıq qásiyetleri. Eń áhmiyetli kislotalardıń qollaniliwi. Sabaqtıń aktuallıǵı

Jobası:

1. 
   Kislotalardıń atalıwı hám kislotalardıń alınıwı.
   
2. 
   Fizikalıq hám ximiyalıq qásiyetleri.
   
3. 
   Eń áhmiyetli kislotalardıń qollaniliwi.
   

Sabaqtıń aktuallıǵı - mektep oqiwshilarina ximiya paniniń qalay rawajlanǵani haqqinda tusinik beriw, kislotalar hám olardıń túrleri haqqinda keńnen tusinik beriw. Kislotalar bul ximiyada úlken orını bolǵannan kiyin bul tarawdi keńnen tusiniw hám uyreniw kerek. Sonıń ushında oqıwshılardıń usı tema boyınsha sawatqanlıǵın asırıw kerek.


Sabaqtıń maqseti - «Kislotalar hám olardıń túrleri, bir tiykarlı hám kóp tiykarlı kislotalar» temasınıń mazmunı, anıq maǵlıwmatlar tiykarında olardıń qollanıwın oqıwshılarǵa tusındiriw. Ximiya pani hám kislotalar haqqında jańa maǵliwmatlardı payda etiw.
Sabaqtıń wazipasi – kislotalar ximiya pániniń tiykarǵı bólimlerinen biri bolǵanlıqtan oqıwshılardıń usi baǵdar boyinsha sawatliliǵin asiriw bolip tabiladi.


Sabaqtıń metodı - «Ximiyalıq rebus» bul metodtı paydalanıwımızdan maqset oqıwshılardıń dıqqatın asırıw hám shaqqanlıǵın tekseriw, temanı bekkemlew, hámme oqıwshılardı temaǵa qızıqtırıw. Bul metodtıń ústinlik tárepi hámmeni qatnasıwǵa tartadı.
Kislotalar
Kislotalar - tábiyaatda tábiy halda ushraydı hám jasalma túrde de islep shıǵarılıwı múmkin, paydalanıwı júdá keń tarqalǵan bolıp tabıladı. Hár bir ónimde kislota bolıwı múmkin. Latin tilinde «qıshqıl» degen mánisti ańlatıwshı «asidus» sózinen alınǵan. Ashshı dámi sebepli birpara dereklerde «qıshqıl» dep ataladı.Citrus miywelerde (limon, apelsin, mandarin) limon kislotası, hól miywelerde (alma, behi, ánar) alma kislotası. Kóp úylerde awqatqa sirke kislotası qosıp paydalanıladı. Sirke kislotası júzim yamasa almanı ashıtıp alınadı.
Kislotalar dep quramında metall atomına orın almasatuǵın vodorod atomları bar hám kislota qaldıqlarınan turatuǵın quramalı zatlarǵa aytıladı. Kislota quramındaǵı vodorod atomlarınıń sanı kislota qaldıǵınıń valentligine san jaǵınan teń boladı.