K. B. Urazov buxgalteriya hisobi va
Download 1.11 Mb. Pdf ko'rish
|
buxgalteriya hisobi va audit
- Bu sahifa navigatsiya:
- 5.2. Auditning tashkiliy asoslari Auditni tashkil etishni shartli ravishda quyidagi to‘rtta bosqichga bo‘lish mumkin: Bosqich
- Audit o‘tqazuvchi sub’ektning yozma buyurtmasi
- Buyurtmachida o‘tqaziladigan dastlabki kuzatishlar.
- Xatolarni topa olmaslikdan vujudga keladigan xatar
- Umumiy auditorlik xatari (AR) Ichki xo‘jalik xatari (IR) Nazorat tizimi xatari (CR)
- Auditorlik tekshiruvini o‘tqazish bo‘yicha rozilik xati
- Auditorlik faoliyati to‘g‘risida shartnoma
- Auditorlik tekshiruvi dasturi
- Auditorlik tashkiloti rahbarining buyrug‘i
- O‘z-o‘zini sinash uchun test savol-javoblari 1.Quyidagilarning qaysi biri to‘g‘ri
- 4.Quyidagilarni qaysi biri auditorlik tashkilotining huquqiga kirmaydi
- 5. Auditorlik tashkilotlari tuzilmaydi
- Prokuratura buyurtmasi bilan o‘tqazilgan audit shartnomasi tuziladi
- 7. Auditorlik tekshiruvi to‘g‘risida shartnoma tuziladi
- Ichki xo‘jalik xatari past bo‘lsa
- Auditorlik xatari yuqori bo‘lsa
AFMS Kodi AFMS ning nomi Ro‘yxatga olingan vaqti va tartib raqami AFMS ning qisqacha izohi 3-AMS Auditni rejalashtirilishi 1999 yil 10 noyabr, №837 Auditni rejalashtirilishi bo‘yicha talablar va me’yorlar belgilangan 4-AMS Mijozning fao-liyati (biznesi) bilan tanishish 1999 yil 3 sentyabr, № 810 Mijozning faoliyat (biznesi) bilan tanishish tartibi va me’yorlari belgilangan 5-AMS Auditor ishining sifatini nazorat qilish 1999 yil 3 sentyar, № 811 Auditor ishining sifatini nazorat qilish me’yorlari aniqlangan va belgilangan 6-AMS Auditni hujjatlashtirish 1999 yil 3 sentyabr, №812 Auditorlik tashkilotlari (auditorlar) tomonidan auditning ishchi hujjatlarini tayyorlash bo‘yicha yagona talablari belgilangan 9-AMS Muhimlilik va auditorlik xatari 1999 yil 3 sentyabr, № 813 Auditorlik isboti va xatari bo‘yicha me’yorlar va talablar belgilangan 10- AMS Moliyaviy hisobotda yoritiladigan boshqa axborotlar 1999 yil 23 sentyabr, № 822 Moliyaviy hisobotdagi boshqa ma’lumotlardan foydalanish tartibi va talablari belgilangan 11- AMS Ma’lumotlarni kompyuerli ishlovi sharoiti-da auditni o‘tqazish 1999 yil 23 sentyabr, № 823 Ma’lumotlarni kompyuterli ishlovi sharoitida auditni o‘tqazish tartibi va me’yorlari belgilangan 13- AMS Analititik protseduralar 1999 yil 3 sentyabr, № 814 Analitik tekshiruvda qo‘llanila-digan analitik protseduralar va ularga qo‘yiladigan me’yorlar belgilangan 14- AMS Auditorlik tanlovi 1999 yil 3 sentyabr, № 815 Auditorlik tanlovi, unga bo‘lgan talablar va me’yorlar belgilangan 16- AMS Ekspert ishidan foydalanish 1999 yil 3 sentyabr, № 816 Auditorlik tekshiruviga ekspertni jalb etish va uning ish faoliyati natijalaridan foydalanish bo‘yicha auditorlik tashkilotining harakatlari belgilangan 24- AFMS Moliyaviy hisobotda buzib ko‘rsatishlar aniqlanganda 2001 yil 31 iyun, № 1045 Moliyaviy hisobotda buzib ko‘rsatishlar aniqlanganda auditorlik tashkilotining harakatlari belgilangan PDF created with pdfFactory trial version www.pdffactory.com 250 auditorlik tashkilotining harakati 25- AFMS Auditorlik tekshiruvini o‘tqazishda me’yoriy –huquqiy hujjatlarga amal qilinishini tekshirish 2003 yil 10 mart, № 1223 Auditorlik tekshiruvini o‘tqazishda me’yoriy –huquqiy hujjatlarga amal qilinishini tekshirishni me’yorlari va tartibi belgilangan 31- AFMS Xo‘jalik yurituvchi sub’ektning faoliyati bilan tanishish 2001 yil 21 iyun, № 1043 Xo‘jalik yurituvchi sub’ektning faoliyati bilan tanishish tartibi va unga qo‘yiladigan talablar belgilangan 50- AFMS Auditorlik dalillari 2002 yil 18 aprel, № 1128 Auditorlik tekshiruvi paytida olingan auditorlik dalillarining miqdoriga, sifatiga, shuningdek ushbu dalillarni olish maqsadida bajariladigan amallarga nisbatan talablarni belgilagan 55- AFMS O‘zaro bog‘liq shaxslar o‘rtasidagi bitimlar bo‘yicha auditorlik dalillarini olish taomillari 2003 yil 3 mart, 1224 O‘zaro bog‘liq shaxslar bilan bog‘liq bitimlarni aniqlash maqsadida auditorlik tashkilotlari tomonidan bajariladigan auditorlik taomillari ko‘rsatilgan 56- AFMS Moliyaviy hisobotni tuzish sanasidan keyingi xodisalar 2003 yil 23 aprel, № 1236 Moliyaviy hisobotni tuzish sanasidan keyingi xodisalar va ularni moliyaviy hisobotda aks ettirish tartibi belgilangan 60- AFMS Boshqa auditorlar ish faoliyati natijalaridan foydalanish 2003 yil 2 mart , № 1221 Boshqa auditorlar ish faoliyati natijalaridan foydalanish tartibi va me’yorlari belgilangan 70- AFMS Auditor hisoboti va moliyaviy hisobot to‘g‘risida auditorlik xulosasi 2001 yil 10 mart, № 1016 Auditorlik hisoboti va moliyaviy hisobot to‘g‘risida auditorlik xulosasiga talablar va me’yorlar belgilangan 80- AFMS Maxsus savolni tekshirish natijalari bo‘yicha auditorning hisoboti 2003 yil 19 fevral, № 1220 Maxsus savolni tekshirish natijalari bo‘yicha auditor hisobotining tuzish tartibi belgilangan 90- AFMS Auditorlik tashkilotlarining professional xizmatlari 2001 yil 10 mart, 1017 Auditorlik tashkilotlarining professional xizmatlariga talablar belgilangan Auditorlik tekshiruvi bo‘yicha auditorlik tashkilotlari o‘zlarining ichki standartlari (tartiblari) ni ham yaratishlari mumkin. Bunday standartlar bo‘lib masalan, auditorlik tashkiloti raxbari tomonidan tasdiqlangan ichki tartib-intizom, kompleks va tematik auditorlik tekshiruvining dasturlari, auditorlik hisobotlari va xulosalarni tayyorlash va PDF created with pdfFactory trial version www.pdffactory.com 251 topshirish tartibi va boshqalar hisoblanishi mumkin. Ichki standartlar harakatdagi Qonunlar va auditorlik faoliyatining milliy standartlari talablariga mos kelishi kerak. 5.2. Auditning tashkiliy asoslari Auditni tashkil etishni shartli ravishda quyidagi to‘rtta bosqichga bo‘lish mumkin: Bosqich Bosqichning nomi va unda amalga oshiriladigan ishlar 1- bosqich Auditni boshlashga qadar bo‘lgan bosqich. Ushbu bosqichda quyidagi ishlar amalga oshiriladi: • audit o‘tqazuvchi sub’ektning yozma buyurtmasi qabul qilinadi; • audit o‘tqazuvchi sub’ektga audit o‘tqazishga auditor yuborilib, audit o‘tqazuvchi sub’ekt, uning hisob va hisobotining dastlabki holati o‘rganiladi, auditning ob’ektlari, ish hajmi, auditorlik xatarining darajasi belgilanadi; • audit o‘tqazuvchi sub’ekt nomiga audit o‘tqazish majburiyatini olish to‘g‘risida rozilik xati tayyorlanadi,ushbu xatda audit o‘tqazish bo‘yicha shartlar, jumladan auditorlik xatari darajasi, ko‘rsatiladi; • audit o‘tqazish bo‘yicha shartlar o‘zaro kelishilgandan so‘ng audit o‘tqazish to‘g‘risida shartnoma tuziladi; • auditning dasturi tuziladi va uni o‘tqazish grafigi belgilanadi. • Auditorlar o‘rtasida funksional majburiyatlar o‘zaro taqsimlanadi, ularga yordamchilar belgilanadi. 2- bosqich Auditorlik tekshiruvini o‘tqazish bosqichi. Ushbu bosqichda tasdiqlangan dasturga muvofiq audit ob’ektlari tanlangan usullarda tekshirishdan o‘tqaziladi 3-bosqich Auditorlik tekshiruvi natijalarini jamlash va rasmiylashtirish bosqichi. Ushbu bosqichda auditorlik tekshiruvi ma’lumotlari (isbotlari) har bir ob’ekt bo‘yicha jamlanadi. Ma’lumotlar (isbotlar) jadvallar ko‘rinishida jamlanadi. Barcha ma’lumotlar (isbotlar) jamlangach, yozma auditorlik hisoboti tayyorlanadi. Auditorlik hisobotida barcha kamchiliklar ko‘rsatiladi va ularni bartaraf etish bo‘yicha tavsiyalar beriladi. 4-bosqich Auditorlik tekshiruvi natijalarini tadbiq etish bosqichi. Ushbu bosqichda auditorlik tekshiruvi natijalari muhokama etiladi, aniqlangan chetlanishlar bo‘yicha tuzatishlar, qayta hisob-kitoblar amalga oshiriladi. Tuzatilgan hisobot bo‘yicha auditorlik xulosasi beriladi. Quyida auditni tashkil etishning 1-bosqichida amalga oshiriladigan ishlarning va tuziladigan hujjatlarning mohiyatiga to‘xtalib o‘tamiz. PDF created with pdfFactory trial version www.pdffactory.com 252 Audit o‘tqazuvchi sub’ektning yozma buyurtmasi – bu xo‘jalik yurituvchi sub’ektning auditorlik tashkilotiga bergan rasmiy xati –murojaatnomasi bo‘lib, unda qaysi hisobot davri uchun, qanday ob’ektlar bo‘yicha auditning aniq turini o‘tqazib berish bo‘yicha shartnoma tuzish so‘raladi. Yozma buyurtma buyurtmachi korxonaning rahbari tomonidan imzolanadi. Buyurtmachida o‘tqaziladigan dastlabki kuzatishlar. Bunday kuzatishni auditorlik tashkilotining rahbari yoki uning vakil etib yuborgan auditori amalga oshiradi. Dastlabki kuzatishda korxonaning ta’sis hujjatlari o‘rganib chiqiladi, uning yuridik statusining to‘liqligi aniqlanadi, bosh kitob va moliyaviy hisobot ma’lumotlari dastlabki vizual nazoratdan o‘tqaziladi. Korxonaning moliyaviy xo‘jalik faoliyati ko‘rsatkichlari, jumladan bankrotlik belgilari o‘rganiladi, operatsiyalar va ularga tegishli hujjatlarning soni va xajmi aniqlanadi. Hujjatlarning sifati, ularning ma’lumotlarini hisob ma’lumotlari bilan uyg‘unligi tanlab tekshiriladi. Korxonada ichki nazorat tizimining mavjudligi, uning ta’sirchanligi baholanadi. Bu kuzatishlar audit tekshiruvi bo‘yicha ish xajmini aniqlashga, auditorlik xatarining darajasini belgilashga, shuningdek ish qiymatini kelishishga asos bo‘ladi. Audit bo‘yicha ish hajmi . Auditorlik tekshiruvida auditorlar tomonidan bajariladigan ishning hajmi auditorlik tekshiruvining turiga, ob’ektlar soniga, operatsiyalar va ular bo‘yicha tuzilgan boshlang‘ich hujjatlar soniga, hisobni yuritish holati va usullariga, soliq to‘lovlari tarkibiga va boshqalarga qarab taxminlanadi. Ish hajmini har bir tekshiruv ob’ektiga sarflanishi mumkin bo‘lgan kunlar soniga qarab ham belgilash mumkin. Auditorlik xatari – bu auditorlarning o‘zlariga bog‘liq va bog‘liq bo‘lmagan sabablarga qo‘ra moliyaviy hisobotning to‘g‘riligi bo‘yicha auditorlik xulosasini berishda yo‘l qo‘yishi mumkin bo‘lgan xatolarining baholangan miqdori. Ushbu xatolarning miqdori,odatda,foizlarda ifodalanadi, uni so‘mlarda ham ifodalash mumkin. Auditorlik xatarining darajasi auditor tomonidan dastlabki kuzatuvni o‘tqazish vaqtida aniqlanadi. 9-son AFMS «Auditorlik isboti va xatari» ga muvofiq dastlabki kuzatish vaqtida baholanadigan umumiy auditorlik xatarining darajasi quyidagi umum qabul qilingan matematik model yordamida topiladi: AR = IR * CR * DR Bu yerda: AR (audit risk) – umumiy auditorlik xatarining darajasi, ya’ni moliyaviy hisobotga noto‘g‘ri xulosa berish ehtimoli; IR (inherent risk ) – ichki xo‘jalik xatarining darajasi, ya’ni hisobdagi xatolar ehtimoli; CR ( control risk ) – nazorat tizimi xatari darajasi, ya’ni ichki nazorat tizimining samarasizlik ehtimoli; DR (detection risk ) -xatolarni topa olmaslikdan vujudga keladigan xatar darajasi, ya’ni xatoni topa olmaslik ehtimoli Ichki xo‘jalik xatari (IR) deganda xo‘jalik yurituvchi sub’ektning moliyaviy hisobotiga ishonchsizlikni tug‘diradigan ichki xo‘jalik omillaridan vujudga keladigan xatar tushuniladi. Bunday xatar, masalan, bosh buxgalterni yoki buxgalterlarni hisobot yilida ko‘p marotaba o‘zgartirilganligidan, ularni malakasini pastligidan, me’yoriy PDF created with pdfFactory trial version www.pdffactory.com 253 hujjatlar bilan ta’minlanganlikning past darajasidan, buxgalteriya xodimlari o‘rtasida funksional majburiyatlarni taqsimlanmaganligidan, ish jarayonlaridagi doimiy uzilishlar va xodimlarning majburiy qo‘shimcha ta’tillarga chiqarib yuborilganligidan, ish haqini o‘z vaqtida berilmayotganligidan, sotish hajmini o‘tgan yillarga nisbatan kamayganligidan va boshqa hollardan kelib chiqadi. Ushbu xatarni auditor qanchalik past darajada belgilasa, u shunchalik xulosa qilishda ko‘p xatoga yo‘l qo‘yishi mumkin, bu bilan u o‘zining umumiy auditorlik xatari darajasini kam belgilagan hisoblanadi. Ichki xo‘jalik xatari darajasi qanchalik yuqori deb belgilansa, auditorlik isbotini talab qiladigan dalillarni yig‘ish soni shunchalik ko‘p bo‘lishi lozim. Faqatgina auditorlik isbotini ko‘p yig‘ib, auditor o‘z xatosini minimumga yetqazishi mumkin. Nazorat tizimi xatari (CR) – bu auditorning korxonada mavjud ichki nazorat tizimining mavjud holatiga, uning ta’sirchanligiga bergan bahosidan kelib chiqadigan xatar. Ichki nazorat tizimining mavjudligi, uning haqiqatda kuchli ta’sirining borligi, samarali faoliyat ko‘rsatayotganligi auditorning xulosada kam xato qilishining muhim omili hisoblanadi. Nazorat tizimi xatarini past darajada belgilanishi, albatta, auditor tomonidan yig‘iladigan isbotlar sonini kamayishiga olib keladi, bu o‘z navbatida auditorning umumiy auditorlik xatarini oshishiga sababchi bo‘ladi. Xatolarni topa olmaslikdan vujudga keladigan xatar (DR) deganda auditor tomonidan o‘tqazilgan auditorlik teshiruvida mavjud xatolarni topa olmaganligidan kelib chiqadigan xatar tushuniladi. Auditor isbot va dalillarni qanchalik kam to‘plasa, ushbu xatarning darajasi shunchalik yuqori bo‘ladi, mos ravishda auditorning umumiy auditorlik xatari darajasi ham shunchalik yuqori bo‘ladi. Auditor isbot va dalillarni qanchalik ko‘p to‘plasa, xatolarni topa olmaslikdan vujudga keladigan uning xatari shunchalik past bo‘ladi. Xatolarni topa olmaslikdan vujudga keladigan xatar darajasini umumiy auditorlik xatarining belgilangan darajasi, shuningdek ichki xo‘jalik xatari va nazorat tizimi xatarining belgilangan darajalaridan kelib chiqgan holda yuqorida keltirilgan matematik model bo‘yicha quyidagicha topish mumkin: DR = AR / IR *CR Misol. Aytaylik auditor dastlabki kuzatishda foyda solig‘i hisob-kitobi bo‘yicha xatar darajalarini taxminan quyidagicha baholadi: IR – 80 %, CR –70%, AR –1 %. Ushbu holda DR = 0,01 / 0,8 * 0,7 = 0,018 ya’ni umumiy auditorlik xatari o‘rtacha 1,8 % ni tashkil etadi. Aytaylik, korxona o‘rtacha bir yilda 10 mln. so‘m miqdorida foyda solig‘i to‘lovchi deb hisoblasak, auditorning tekshirish oldidan belgilagan umumiy xatari ushbu soliqni tekshirishda 180 ming so‘mgacha xatoga yo‘l qo‘yish ehtimolini bildiradi. Demak, DR – xatoni topa olmaslik ehtimoli qanchaliq katta bo‘lsa, noto‘g‘ri xulosa berish ehtimoli shunchalik bqori bo‘ladi. IR va CR darajalarini auditor qanchalik katta belgilasa, ya’ni ularga qanchalik ko‘p ishonchsizlik bilan qarab, isbotlar sonini oshirsa, AR ning belgilangan darajasi 1 foizdan oshmasa, xatoni topmaslik ehtimoli shunchalik kam bo‘ladi, bu -ishonchli auditorlik xulosasiga erishish mumkin degani. Auditorlik xatarlarining turlari bir-birlari bilan uzviy bog‘liq hisoblanadi. Ularning darajalarini to‘g‘ri baholash auditor tomonidan to‘plashi lozim bo‘lgan isbot va dalillarning sonini, ya’ni uning ish hajmini, to‘g‘ri aniqlashga imkon beradi. Auditorlik isboti sonlarining auditorlik xatari turlari darajasi bilan aloqalarini quyidagicha ifodalash mumkin: PDF created with pdfFactory trial version www.pdffactory.com 254 Umumiy auditorlik xatari (AR) Ichki xo‘jalik xatari (IR) Nazorat tizimi xatari (CR) Xatolarni topmaslik xatari (DR) Zarur bo‘lgan isbotlar soni Yuqori Past Past Yuqori Kam Past Past Past O‘rtacha O‘rta Past Yuqori Yuqori Past Ko‘p O‘rtacha O‘rtacha O‘rtacha O‘rtacha O‘rta Yuqori Past O‘rtacha O‘rtacha O‘rta Auditorlik tekshiruvini o‘tqazish bo‘yicha rozilik xati –bu dastlabki kuzatishlar tugagach buyurtmachiga taqdim etiladigan hujjat. U o‘zida dastlabki kuzatishlarning natijalari, auditorlik tekshiruvi bo‘yicha hisoblangan ish hajmi, auditorlik xatarining darajasi, taklif etilayotgan qiymat, ishni bajarish bo‘yicha taklif etilgan muddatlarni, bajaruvchilarni va boshqalarni aks ettiradi. Auditorlik faoliyati to‘g‘risida shartnoma – bu auditorlik tashkiloti va xo‘jalik yurituvchi sub’ektlar o‘rtasida auditorlik tekshiruvi yoki boshqa kasbiy xizmatlarni ko‘rsatish bo‘yicha o‘zaro munosabatlarga status beruvchi yuridik hujjat. Ushbu shartnomada auditorlik faoliyatining aniq turi (auditorlik tekshiruvi, konsalting, buxgalteriya hisobini yuritish, buxgalteriya hisobini tiklash va shu kabi boshqa kasbiy xizmatlar), ularni qaysi davr uchun o‘tqazilishi, o‘tqazilish muddatlari, tomonlarning huquq va majburiyatlari, javobgarliklari, ishning qiymati, fors-major holatlar va boshqalar aniq ko‘rsatiladi. Auditorlik faoliyati bo‘yicha tuziladigan shartnomalardan namunalar 3,4-ilovalarda keltirilgan. Auditorlik tekshiruvi dasturi – bu auditor tomonidan tuziladigan, auditorlik tashkiloti rahbari va buyurtmachi tashkilot rahbari tomonidan tasdiqlanadigan hujjat. Dastur o‘z ichiga tekshiriladigan ob’ektlar, jarayonlar, operatsiyalar, savollar ro‘yxatini, tekshirish muddatlarini, shuningdek jalb etiladigan auditor yordamchilarining familiyasi, ismi-sharifini va buyurtmachi tashkilot tomonidan jalb etiladigan ma’sul xodimlarning familiyasi va ismi-shariflarini oladi. Auditorlik dasturi shartnomaga ilova sifatida yoki alohida hujjat sifatida tasdiqlanadi. Auditorlik dasturidan namuna 5-ilovada keltirilgan. Auditorlik tashkiloti rahbarining buyrug‘i –bu tuzilgan shartnoma va dasturga muvofiq xo‘jalik yurituvchi sub’ektlarga auditorlik teshiruviga safarbar etilgan auditorlar va ularning yordamchilari shaxslarini tasdiqlovchi hujjat. Ushbu buyruq auditorlik tashkilotida auditorlarga va ularning yordamchilariga bajargan ishlari uchun mehnat haqini hisoblashga ham asos bo‘ladi. Auditorlik tekshiruviga auditorlarni safarbar etish to‘g‘risidagi buyruqdan namuna 6-ilovada keltirilgan. PDF created with pdfFactory trial version www.pdffactory.com 255 O‘z-o‘zini sinash uchun test savol-javoblari 1.Quyidagilarning qaysi biri to‘g‘ri a) audit Qonun ustivorligiga daxldor emas b) audit Qonun ustivorligiga bo‘ysinadi v) audit standartlari me’yoriy hujjat hisoblanmaydi g) audit standartlari birinchi darajali me’yoriy hujjatdir 2.Auditor a) malakali buxgalter b) malaka sertifikatiga ega jismoniy shaxs v) maxsus litsenziyaga ega jismoniy shaxs g) taftishchi 3.Auditor yordamchisi a) malaka sertifikatga ega jismoniy shaxs b) litsenziyaga ega jismoniy shaxs v) boshqaruvchi g) auditorlik hisobotida imzo huquqiga ega bo‘lmagan auditorlik firmasi xodimi 4.Quyidagilarni qaysi biri auditorlik tashkilotining huquqiga kirmaydi? a) debitorlardan ma’lumotlarni tasdig‘ini so‘rash b) buyurtmachi axborotlarini prokuraturaga yetqazish v) moddiy javobgar shaxslardan tushintirishlar olish g) korxona faoliyatini ta’sischilar yig‘ilishidagi muhokamasida qatnashish 5. Auditorlik tashkilotlari tuzilmaydi a) qo‘shma korxona sifatida b) yopiq aksionerlik jamiyati sifatida v) ochiq aksionerlik jamiyati ko‘rinishida g) xususiy korxona sifatida 6. Auditorlik tekshiruvidan majburiy o‘tmaydi a) qo‘shma korxona b) aksionerlik jamiyati v) davlat korxonasi g) xayriya fondlari 6. Prokuratura buyurtmasi bilan o‘tqazilgan audit shartnomasi tuziladi a) audit o‘tqazilgan korxona va prokuratura o‘rtasida b) prokuratura va auditorlik tashkiloti o‘rtasida v) auditorlik firmasi va korxona o‘rtasida g) uch tomonning ishtirokida 7. Auditorlik tekshiruvi to‘g‘risida shartnoma tuziladi a) dastlabki kuzatishsiz b) dastlabki kuzatish natijalari asosida PDF created with pdfFactory trial version www.pdffactory.com 256 v) sud organining tavsiyasi bilan g) soliq organining qarori bilan 8. Ichki xo‘jalik xatari past bo‘lsa a) ko‘p sonli isbotlar yig‘iladi b) kam sonli isbotlar yig‘iladi v) yoppasiga ekspertiza qilinadi g) umuman tekshirish shart bo‘lmaydi 9. Nazorat tizimi xatari past bo‘lsa a) ko‘p sonli isbotlar yig‘iladi b) kam sonli isbotlar yig‘iladi v) auditorlik xatari o‘rtacha bo‘ladi g) auditorlik xatari past bo‘ladi 10. Auditorlik xatari yuqori bo‘lsa a) ko‘p sonli isbotlar yig‘iladi b) kam sonli isbotlar yig‘iladi v) yoppasiga tekshirish qilinadi g) xatoni topish xatari past bo‘ladi Download 1.11 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling