Ishning maqsad va vazifalari. Namanganlik ma`rifatparvarlar mavzusi oldiga qo‘yilgan maqsad va vazifalari quyidagilardan iborat:
– XIX asr ikkinchi yarmi – XX asr birinchi yarmida Qo’qon xonligi, shu jumladan, Namangan hududida hukm surgan siyosiy, iqtisodiy, ijtimoiy va madaniy ahvolni o‘rganish;
– Namangan viloyatida yashab ijod etgan va o’lka madaniy hayoti taraqqiyotida munosib o’rin egallagan ziyolilar faoliyatini tahliliy bayon etish;
– Namanganlik ma`rifatparvarlar faoliyatining umumiy va o‘ziga xos xususiyatlarini aniqlash;
– Taraqqiyparvar ulamolar faoliyatiga Rossiya imperiyasi mustamlakachiligi davrida qo’yilgan ta`qiq va cheklov jarayonlarini o‘rganish;
– Namangan ziyolilarining ijtimoiy-siyosiy jarayonlardagi ishtiroki va ularning tatar ma`rifatparvarlari bilan hamkorligi xususidagi ma`lumotlarni o’rganish va qiyosiy tahlil qilish;
– Mustabid sovet tuzumining o’rnatilishi bilan bog’liq ravishda namanganlik ziyolilarning milliy davlatchilik asoslarini yaratish yo’lidagi fidokorona xizmatlarini o’rganish va bu boradagi ma`lumotlarni batafsil yoritish;
– XIX asr ikkinchi yarmi – XX asr birinchi yarmida namanganlik ma`rifatparvarlar faoliyatiga siyosiy muhitning ta`sirini o’rganib yakuniy xulosalar berish.
Do'stlaringiz bilan baham: |