Касбга мувофиқлигини аниқлаш комиссияси

73. 
Асосий воситаларни қайта баҳолаш учун қандай усуллар қўлланилади?
Жавоб: “Ўзбекистон Республикаси банкларида асосий воситаларнинг бухгалтерия ҳисоби 
тўғрисида”ги Йўриқнома (рўйхат рақами 1434, 17.12.2004 й.) 31-бандига асосан: 
1. Индекс усули: Индекс усули билан қайта баҳолашда қайта баҳолаш санасидаги асосий 
воситаларнинг баланс қиймати ва ушбу активларнинг жамланган эскириши муайян 
индексдан фойдаланган ҳолда қайта баҳоланади.
2. Бевосита қайта баҳолаш усули: Асосий воситаларнинг тўлиқ тикланиш қиймати 
алоҳида объектлар қийматини баҳоланаётган айнан ўхшаш бўлган янги объектларнинг қайта 
баҳолаш санасида шаклланган, ҳужжатлар асосида тасдиқланган бозор нархлари бўйича 
бевосита қайта ҳисоблаш йўли билан аниқланади. 
74. 
Чет эл валютасида сотиб олинган асосий воситаларни балансда акс эттириш ва 
қайта баҳолаш тартиби қандай?
Жавоб: “Ўзбекистон Республикаси банкларида асосий воситаларнинг бухгалтерия ҳисоби 
тўғрисида”ги Йўриқнома (рўйхат рақами 1434, 17.12.2004 й.) 8-бандига асосан: 
Чет эл валютасида сотиб олинган асосий воситалар балансда божхона юк декларациясини 
расмийлаштириш санасидаги Марказий банки курси бўйича миллий валютада акс эттирилади ва 
чет эл валютаси курсининг ўзгариши муносабати билан қайта баҳоланмайди. 
75. 
Лизинг берувчи банк лизинг объекти учун тўловларни сотувчига олдиндан тўлаб 
бериб лизинг объекти тўғридан-тўғри лизинг олувчига етказиб берилганда қандай 
бухгалтерия амаллари бажарилади?
Жавоб: “Тижорат банкларида лизинг операцияларини амалга ошириш ва уларнинг 
бухгалтерия ҳисобини юритиш тартиби тўғрисида”ги Низом (рўйхат рақами 1648, 27.11.2007 й.) 
26-
бандига асосан: 
- Дт 19909 Товар-моддий қимматликлари учун тўланган маблағлар; 
- Кт Банкнинг вакиллик ҳисобварағи; 
- Дт 15600 Лизинг (молиявий ижара) (тегишли мос ҳисобварақ); 
- Кт 19909 Товар моддий қимматликлар учун тўланган маблағлар