Касбга мувофиқлигини аниқлаш комиссияси

76. 
Тақсимланмаган фойдани капиталлаштириш ҳисобига қўшимча акциялар 
жойлаштирилганда қандай бухгалтерия ўтказмаси амалга оширилади? 
Жавоб: “Тижорат банкларида қимматли қоғозлар билан амалга ошириладиган 
операцияларнинг бухгалтерия ҳисоби тўғрисида”ги Йўриқнома (рўйхат 1885, 19.01.2009 й.) 11-
бандига асосан: 
Дт 31203 - "Тақсимланмаган фойда (актив-пассив)"; 
Кт 30315 - "Чиқарилган устав капитали - Имтиёзли" ёки
30318 - 
"Чиқарилган устав капитали - Оддий" - акциянинг номинал қийматига; 
Кт 30603 - "Қўшилган капитал" - номинал қийматидан юқори суммасига 
77. 
Электрон тўловларни амалга оширишнинг қонунчиликда белгиланган муддатлари 
тўлов тизимининг аъзоси томонидан бузилган тақдирда, қандай чоралар 
қўлланилади? 
Жавоб: Электрон тўловларни амалга оширишнинг белгиланган муддатлари тўлов 
тизимининг аъзоси томонидан бузилган тақдирда, у кечиктирилган ҳар бир кун учун кечиктирилган 
электрон тўлов суммасининг 0,1 фоизи миқдорида, лекин кечиктирилган электрон тўлов 
суммасининг 10 фоизидан кўп бўлмаган миқдорда тўлов тизимидан фойдаланувчига пеня тўлаши 
шарт. 

---

78. 
Ҳозирда нақд пулсиз ҳисоб-китобларда қандай пул ҳисоб-китоб ҳужжатларидан 
фойдаланилади? 
Жавоб: 
− мемориал ордер; 
− тўлов топшириқномаси; 
− тўлов талабномаси; 
− инкассо топшириқномаси; 
− аккредитивга ариза; 
− тижорат банкининг ҳисоб-китоб чеки. 
79. 
Мижознинг ҳисобварағидан маблағлар қандай ҳужжатлар асосида ҳисобдан 
чиқарилади? 
Жавоб: 
− ҳисоб-китоб ҳужжатларининг асл нусхаси асосида; 
− электрон тўловлар тизими орқали олинган электрон тўлов ҳужжатлари асосида; 
− банк ҳисобварақларига масофадан хизмат кўрсатиш тизимларидан фойдаланувчилар 
учун умумий фойдаланишдаги телекоммуникация тармоқлари орқали олинган электрон тўлов 
ҳужжатлари асосида;
− Банк пластик карталардан фойдаланган ҳолда тузилган электрон ҳужжатлар асосида 
ҳисобдан чиқарилади.