Касбга мувофиқлигини аниқлаш комиссияси

171. 
Капитал ҳаракати билан боғлиқ валюта операцияларига қайси операциялар 
киради? 
Жавоб: Капитал ҳаракати билан боғлиқ валюта операцияларига жорий халқаро 
операциялар ҳисобланмайдиган барча операциялар, шу жумладан: 
инвестиция фаолиятини амалга ошириш; 
кредитлар олиш ва бериш, лизинг операцияларини амалга ошириш; 
кўчмас мулкни сотиб олиш ва сотиш; 
хорижий давлатлардан маблағларни ҳисобварақлар ва омонатларга жалб этиш ҳамда 
хорижий давлатларда маблағларни ҳисобварақлар ва омонатларга жойлаштириш киради. 
172. 
Капитал ҳаракати билан боғлиқ валюта операциялари амалга ошириш учун 
резидент томонидан ваколатли банкка қандай ҳужжатлар тақдим этиши керак? 
Жавоб: Капитал ҳаракати билан боғлиқ валюта операцияларини амалга ошириш учун 
резидент томонидан ваколатли банкка қуйидаги ҳужжатлар тақдим этилади: 
Марказий банкнинг «Капитал ҳаракати билан боғлиқ айрим валюта операцияларини амалга 
ошириш тартиби тўғрисида»ги Низомнинг 1-иловасига мувофиқ ариза; 
валюта операцияси амалга оширилишини назарда тутувчи ҳужжатнинг (шартнома, 
келишув, битим ва/ёки бошқа ҳужжат) ҳамда унга киритилган ўзгартириш ва қўшимчаларнинг 
нусхалари. Бунда ҳужжат матни давлат ёки рус тилида баён этилган бўлиши, агар ҳужжат матни 
бошқа тилда баён этилган бўлса, у легаллаштирилган ёки унга белгиланган тартибда апостиль 
қўйилган бўлиши ҳамда давлат ёки рус тилига таржима қилинган ва нотариал тасдиқланган 
бўлиши керак. 
173. 
Чет эл валютаси билан боғлиқ бўлган ҳосила молиявий воситалар деганда 
нимани тушунасиз? 
Жавоб: Чет эл валютаси билан боғлиқ бўлган ҳосила молиявий воситалар (валюта 
деривативлари) чет эл валютаси олди-сотдиси бўйича шартномалар бўлиб, уларда белгиланган 

---

мажбуриятлар муайян муддат ўтгач ёки чет эл валютасининг қийматига ёхуд унинг курси 
ўзгаришига боғлиқ равишда бажарилиши мумкин.