Касбга мувофиқлигини аниқлаш комиссияси

181. 
Cавол:Даромад келтирадиган ва келтирмайдиган активларга нималар киради? 
Жавоб:Даромад келтирадиган активлар - маълум бир муддатга шартномаларга асосан 
жойлаштирилган ва улар бўйича банк томонидан даромад олиниши кўзда тутилган маблағлардир 
(жами активлардаги салмоғига ҳалқаро молиявий институтлар томонидан тавсия этилаётган 
меъёри min 60 фоиз). Даромад келтирадиган активларга бошқа банкдаги маблағлар (10500 ҳ/р), 
ДҚМО ва ДЎМПМга қўйилмалар (10700+10800 ҳ/р), факторинг (11100 ҳ/р), барча кредит 
қўйилмалари, лизинг, инвестициялар (15800+15900 ҳ/р) киради.

---

Даромад келтирмайдиган активлар - даромад келтирадиган активлардан ташқари бўлган 
барча активлар йиғиндисидан иборат (жами активлардаги салмоғига ҳалқаро молиявий 
институтлар томонидан тавсия этилаётган меъёри mах 40 фоиз). Даромад келтирмайдиган 
активларга кассадаги нақд пул ва бошқа тўлов хужжатлари (10100 ҳ/р), Марказий банкдаги 
маблағлар (10300 ҳ/р), ҳисобланган ундирилмаган даромадлар (16300+16400 ҳ/р), асосий 
воситалар (16500 ҳ/р) ва бошқалар киради. 
182. 
Савол: Якка тартибдаги тадбиркор банк карталаридан фойдаланилган ҳолда 
амалга оширилган операциялар? 
Жавоб: Карта ҳисобварағини пул маблағлари билан тўлдириш карта ҳисобварағини очган 
якка тартибдаги тадбиркорнинг тўлов топшириқномасига асосан унинг асосий талаб қилиб 
олингунча депозит ҳисобварағидан амалга оширилади. 
183. 
Савол: “Слип” тушунчасига тариф беринг 
Жавоб: Банк пластик карточкасидан фойдаланган ҳолда операция ўтказилганлигини 
тасдиқловчи ва ўзида операция суммаси, тури, санаси, шунингдек банк пластик карточкасини 
ҳамда ушбу слипни шакллантирган терминални идентификация қилиш имконини берувчи 
ахборотларни акс эттирувчи терминал квитанцияси. 
184.