Касбга мувофиқлигини аниқлаш комиссияси

136. 
Инвестиция дастури тўғрисида тушунчангиз? 
Жавоб: Ўзбекистон Республикасининг Инвестиция дастури бу Ўзбекистон Республикаси 
Президенти томонидан тасдиқланадиган мамлакат иқтисодиётини барқарор ва изчил 
ривожлантиришга эришишга, мавжуд табиий, минерал-хом ашё, молиявий, моддий ва меҳнат 
ресурсларидан оқилона фойдаланиш йўли билан мамлакатнинг айрим тармоқлари ва 
минтақаларини тузилмавий қайта ташкил этиш бўйича асосий устувор йўналишлар ҳамда 
стратегик вазифаларни рўёбга чиқаришга қаратилган, мамлакатни ижтимоий-иқтисодий 
ривожлантиришнинг устувор йўналишларида амалга ошириладиган инвестиция лойиҳаларини ўз 
ичига олган, ўзаро бир-бири билан узвий боғлиқ бўлган чоралар мажмуидир. 
137. 
Нақд пул ва бошқа қимматликларни тафтиш қилиш тартиби қандай амалга 
оширилади? 
Жавоб: 
а) банк раҳбарининг буйруғига биноан ҳар чоракда камида бир марта;
б) ҳар йили, янги йилнинг 1 январь ҳолатига кўра;
в) раҳбар, бош бухгалтер ёки касса мудири алмашганда;

---

г) қимматликлар бут сақланиши учун жавобгар бўлган мансабдор шахслар вақтинча 
алмашганида;
д) бошқа ҳолларда – Бош банк раҳбарининг фармойиши асосида тафтишлар амалга 
оширилади. 
Ўтказилган тафтиш юзасидан “ХФУ” грифи қўйилган далолатнома тузилиб, у алоҳида 
тикилиши ва банкнинг бош бухгалтери сейфида алоҳида сақланиши шарт. Тафтиш ўтказиш пул 
ва тангалар ҳамда бошқа қимматликларни тафтиш қилиш тўғрисида кўрсатма берган банк 
раҳбари томонидан чиқарилган ёзма буйруғи билан тайинланадиган шахслар томонидан амалга 
оширилади. Тафтиш ўтказиш учун жалб этиладиган ходимлар сони операциялар ҳажмидан келиб 
чиқиб белгиланади. Тафтиш ўтказиш учун тайёргарлиги бор ва қимматликлар билан амаллар 
бажаришга алоқаси бўлмаган ҳамда кассага кириш учун рухсати бўлган ходимлар жалб этилиб, 
улардан бири тафтиш гуруҳи раҳбари этиб тайинланади. Тафтишни тўғри ташкил этиш ва 
белгиланган қоидага мувофиқ ўтказиш учун тафтиш ўтказиш бўйича буйруқ чиқарган банк раҳбари 
жавобгар бўлади. Бош банк томонидан унинг филиаларида қимматликларнинг сақланиши бўйича 
тафтиш ўтказилган бўлса, ушбу чоракда такроран чоракли тафтиш ўтказилмаслиги мумкин. 
Тафтишлар орасидаги муддат 3 ойдан ошмаслиги лозим.