Kasbiy ta‟lim fakulteti mehnat ta‟limi va chizmachilik kafedrasi

1.3 Achitilgan sut mahsulotlari 

Achitilgan  sut  mahsulotlari  kislotali  bijg‗itish  asosida  ishlab  chiqariladi.  Prostokvasha 

(qatiq),  kefir,_qimiz,  achitilgan  qaymoq  (smetana),  suzma  va  atsidofil  mahsulotlari  shular 

jumlasiga  kiradi.  Bu  mahsulotlarining  ko'pchiligi,  ayniqsa,  prostokvasha,  kefir,  qimiz, 

atsidofil  mahsulotlari  parhezlik  va  shifobaxshlik  xususiyatiga  egadir.  Bu  mahsulotlar 

tarkibida  sut  kislotasi  hamda  karbonat  angidrid  gazi  (kefir,  qimiz)  bo'lganligi  sababli 

insonning oshqozon-ichak faoliyatini yaxshilab, ovqatning to'la hazm bo‗lishiga katta yordam 

beradi.  Ikkinchidan,  achitilgan  sut  mahsulotlari  iste‘mol  qilinganda  organizmda  kislotalilik 

muhit  yaratiladi.  Bu  esa  chirituvchi  va  boshqa  zararli  mikroorganizmlarning  rivoj lanishiga 

to'sqinlik  qiladi  va  organizmda  chirituvchi  bakteriyalar  ishlab  chiqaradigan  zaharli  moddalar 

ta‘sirida yemirilishning ma‘lum darajada oldi olinadi. Tarkibidagi sut kislotasi konservantlilik 

xususiyatiga ega bo'lganligi uchun ham bu mahsulotlar u zoqroq saqlanish muddatiga egadir.