Kbk: 84(5O‘zb)7
Download 0.68 Mb. Pdf ko'rish
|
Қизлар дафтарига (3)
|
Kelin baxti – kelinning o‘z qo‘lida,
Chaman bor qilmoq ham yurgan yo‘lida. Mehr qo‘ygan uyiga baxtiyordir, Mehrda rom etuvchi jodu bordir. – Qani, qizlar, kimda qanaqa fikr bor? Tursunoy durkun gavdasini chaqqon ko‘tarib o‘rnidan turdi-da, tabassumidan charaqlagan xumor ko‘zlari bilan avval dugonalarini bir suzib chiqdi, keyin buvijoniga mamnun qaradi. – Mening tushunishimcha-da, buvijon, bu to‘rtlik da hikmat katta. Bunda ta’kidlangan narsalarga amal qilding – baxt topding, yo‘qsa – ko‘z yoshing daryo, kuning qaro. Axir, bu yerda gap kelin shaxsi ustida emas, inson taqdiri ustida ketmayaptimikan? O‘ylab qaraylig-a, qizlar, bugun iymanib, begonalardek qimtinib kirib kelgan yangi mehmon ertaga shu xona don bekasi, qator-qator bolalar onasi, zahmatkash yostiqdoshi yonida turib oila baxtini quruvchi vafodor xotin, mehribon ona-ku! Ayol baxtini topib ketsa, bu o‘sha oila kishilari bilan birga butun jamiyatning ham yutug‘i-ku! Demak, kelin baxtiga kelinning o‘z shaxsiy ishi, deb qaramasdan, bundan jamiyat ham man faatdor ekanini ko‘z o‘ngimizdan qochirmas ligimiz kerak ekan. Agar kelinchak ham masalaga shu tarzda, ya’ni o‘z 111 baxti jamiyat baxti bilan chambar chas bog‘liq ekanini anglasa, boshiga mushkul ish tushgan paytlarda qiyinchiliklardan qochmay, ularni yengib o‘tib, oila zaminini mustahkamlashga intilar, buni o‘zining xotinlik, onalik burchi deb bilar edi. Shu ma’noda: Kelin baxti – kelinning o‘z qo‘lida, Chaman bor qilmoq ham yurgan yo‘lida. deyilgani juda to‘g‘ri, juda o‘rinli. Tursunoy gapini tugatar-tugatmas, Nigor poshsha o‘rnidan turdi. – Mening ham ikki og‘iz so‘zim bor edi, – dedi u gap navbatini boshqalar ilib ketishidan qo‘rqayot- gandek shoshib. – Marhamat, gapiraver. Nigor poshsha oq-sariq uzunchoq yuziga juda yarashgan chiroyli burni ustidagi ter durlarini nafis ro‘molchasi bilan asta artib, so‘z boshladi: – Tursunoy juda to‘g‘ri gapirdi. Qani endi hamma kelinchaklar ham taqdiriga Tursunoyga o‘xshab qarasa! Ba’zi yosh oilalarda turmushga shunaqa qarash yo‘q yo bo‘lsa ham yetarlik emasdirki, tezda ajralib ketishadi. Menimcha, bu yoqdan kelin bo‘lib tushib borib, u yoqdan unisi yoqmadi, bunisi yoqmadi, onasi unaqa ekan, otasi bunaqa ekan, menga u qildirdi, menga bu qildirdi, degan tuturiqsiz bahonalar bilan uyga qaytib kelish – shunchaki bir nodonlik emas, borib turgan ahmoqlik! Ha, ahmoqlik! Ota-onasi yemay- ichmay to‘plagan sep-u salobatini yondirish, 112 el-yurt oldiga solgan tabarruk dasturxo niga mag‘zava to‘kish ertaga ona bo‘lishi muqarrar bir tabarruk zot sha’niga isnod bu! Ha, isnod, qizlar! Baxt koshonasini qurish yo‘lida uchraydigan qiyinchiliklardan qo‘rqib, umid bilan bir yostiqqa bosh qo‘ygan yorini ota-onasi bilan dog‘-u hasratda qoldirib qochish – tubanlikning tubanligi! Vijdonsizlik! – To‘g‘ri, juda to‘g‘ri, Nigor poshsha! – Menga qolsa, – deya Nigora so‘zini davom ettirdi, – menga qolsa, o‘shanaqa tegmanozik o‘ktamniso lardan so‘rar edim: xo‘p, onasi-ku unaqa ekan, otasi ham bunaqa ekan, xo‘sh, o‘zing qanaqa eding? O‘zingni qanaqa tutding? Sen qo‘ydek yuvvosh, beayb eding-u, ular bo‘ridek yirtqichlik qilishdimi? Nima uchun shunday qilishdi? Hech narsadan hech narsa yo‘q, besabab, bevaj seni sig‘dirishmadi – tursang o‘poq, o‘tirsang so‘poq, deyishdimi? Xo‘p, ular- ku shunaqa nobop odamlar ekan, sen-chi? Sen ular bilan til topishishga, ularni iydirib, opoq-chapoq bo‘lib ketishga harakat qildingmi? Yo ota-onangning baland oxuridan tushmay kekkayib yuraverdingmi? Har narsa bo‘lay, qizlar, bu savollarni tirnoq ostidan kir qidirish maqsadida berilgan g‘irrom savollar deb bo‘lmaydi. Menimcha, bular javob berilishi juda-juda zarur bo‘lgan, nihoyatda o‘rinli, nihoyatda adolatli savollar. Xayr, qochoq kelin davramizda yo‘q. Shuning uchun, ming afsuski, haligi haqqoniy savollarimizga javob ololmadik, deylik. Xo‘sh, shu bilan gap tamom, ora ochiqmi? Yo‘q, menimcha, 113 opoqimlar keltirgan to‘rtlikda muhokama talab bir joyi bor. U mehr haqida. Mana, eshitinglar: Download 0.68 Mb. Do'stlaringiz bilan baham: 
|