2. Matnning asosiy maqsadi nimadan iborat?
Bu savol matn mazmunini tushunishga qaratilgan. Oʻquvchilarning javoblari
turlicha boʻlishi mumkin. Asosiy eʼtibor matn oʻquvchini kasbga toʻgʻri
yoʻnaltirishni maqsad qilganligini aniqlab ayta olishlariga qaratiladi.
3. Robotlarning asosiy vazifasi haqida gapiring.
Bu savol matnda eksplitsit(ochiq) ifodalangan maʼlumotni tushunib aytib bera
olishga qaratilgan. Oʻquvchilar matnda berilgan maʼlumotlar hamda oʻz shaxsiy
kuzatishlari asosida robotning vazifasi haqida munosabat bildirishlari lozim.
4. Kelajakda qanday kasb egalariga ehtiyoj ortishi kutilmoqda? Buning
sababini tushuntirishga harakat qiling.
Oʻquvchilar avval matnda berilgan maʼlumotlar asosida javob berishlari,
astronomiya, kimyo, biologiya, matematika, IT soha mutaxassislariga ehtiyoj
ortishini hamda buning sabablarini tushuntirib aytishlari lozim.
5. Aktyorlarning vazifasini kompyuterlar qay darajada uddalay oladi deb
hisoblaysiz? Kompyuter dasturlarida yaratilgan qahramonlar faoliyatini
qanday baholaysiz?
Bunda oʻquvchilar axborot texnologiyasi jadal rivojlanib, insonlar
oʻynaydigan rol, sahna manzaralarini kompyuter orqali amalga oshirish
mumkinligini hamda ushbu jarayonni real aktyor va aktrisalar faoliyati bilan
taqqoslab fikr bildirishlari lozim.
6. Tanlaydigan kasbingiz borasida kimlar bilan maslahatlashishni maʼqul
koʻrasiz?
Matndan mazmunidan kelib chiqqan holda oʻquvchilar ushbu mavzu haqida
oʻylab koʻradilar. Oʻzlari tanlagan kasb haqida, uni tanlashda kimlar bilan maslahat
qilganligi, ushbu kasbning afzalliklari haqida gapirib berishlari soʻraladi.
7. Matn bilan tanishganingizdan soʻng sizda tanlagan kasbingizni oʻzgartirish
fikri paydo boʻlmadimi? Javobingizni izohlang.
Bu savol matn mazmunidan kelib chiqib, oʻquvchilarning oʻz shaxsiy
qarashlarini ifodalashga qaratilgan. Oʻquvchilar tanlagan kasbiga munosabatini
aytib bera olishi lozim.
Do'stlaringiz bilan baham: |
