Кимё фанидан абитуриентлар

К О М П Л Е К С Б И Р И К М А Л А Р.
664. Комплекс бирикмалар тўғрисида умумий тушунчалар. Комплекс бирикмаларда элементлар ўзининг асосий валентликларидан ташқари қўшимча валентликларини ҳам намоён этади. Комплекс бирикмалар икки қисмдан
иборат: ички ва ташқи сфера. Ички сфера ҳам икки қисмдан иборат: ядро ва лигандлар. Ядро ўз атрофига нечта лиганд сиғдира олишини билдирувчи сон координацион сон дейилади. Масалан: K₃[Fe(CN)₆+ да K ташқи сфера, [Fe(CN)₆+
ички сфера, Fе ядро, цианид-ион лиганд. Темирнинг координацион сони 6 га тенг.
665. Комплекс бирикмаларнинг турлари. Комплекс бирикмалар ички сферанинг зарядига қараб уч турга бўлинади:
а)катион комплекслар [Pt(NH₃)₄+Cl₂, б)анион комплекслар K₃[Fe(CN)₆+ в)нейтрал комплекслар [Pt(NH₃)₂Cl₂+.
666. Ядро заряди. Комплекс бирикманинг ядро заряди деганда марказий атомнинг оксидланиш даражаси тушунилади. Ядронинг заряди ҳам бирикмадаги элементнинг оксидланиш даражасини аниқлаш каби топилади. Масалан: [Pt(NH₃)₄+Cl₂ да ядронинг заряди: x+4·0+2(-1)=0 x=+2 га тенг.


d - М Е Т А Л Л А Р Г А Т А В С И Ф
667. Хромнинг кимёвий хоссалари. Хром қиздирилганда металлмаслар билан бирикади: 3Cr+2O₂=Cr₃O₄; 2Cr+3Cl₂=2CrCl₃; Cr+S=CrS. Хром сув билан юқори ҳароратда таъсирлашади: 3Cr+4H₂O=Cr₃O₄+4H₂. Cr₃O₄ да хром аралаш валент ликка эга-II, III, яъни: Cr₃O₄=CrO·Cr₂O₃. Хром фаоллик қаторида ўзидан кейин турган металларни эритмада сиқиб чиқара олади: Cr+Pb(NO₃)₂=Cr(NO₃)₂+Pb. Хром концентрланган сульфат ва нитрат
кислоталар билан таъсирлашмайди. Хром уч хил оксид ҳосил қилади: CrO-асосли, Cr₂O₃-амфотер, CrO₃- кислотали.
СrO+H₂SO₄=CrSO₄+H₂O; Сr₂O₃+3H₂SO₄=Cr₂(SO₄)₃+3H₂O; Cr₂O₃+2KOH=2KCrO₂+H₂O CrO₃+2KOH=K₂CrO₄+H₂O.
K₂CrO₄- хроматлар кислотали муҳитда K₂Cr₂O₇- дихроматларга айланади. Хром гидроксидлари сувда эримайди. Сr(OH)₂ кислоталарда, Cr(OH)₃-кислота ва ишқорларда эрийди: Cr(OH)₂+2HCl=CrCl₂+2H₂O Cr(OH)₃+3HCl=CrCl₃+3H₂O. Cr(OH)₃+KOH=KCrO₂+2H₂O Хром асослари қиздирилганда осон парчаланади:
Cr(OH)₂=CrO+H₂O; 2Cr(OH)₃=Cr₂O₃+3H₂O
668. Марганецнинг кимёвий хоссалари. Марганец қиздирилганда металлмаслар билан бирикади
3Mn+2O₂=Mn₃O₄ Mn+Cl₂=MnCl₂ Mn+S=MnS Сув билан юқори ҳароратда таъсирлашади:
3Mn+4H₂O=Mn₃O₄+4H₂. Суюлтирилган ва концентр ланган кислоталарда эрийди: Mn+2H₂SO₄=MnSO₄+SO₂+2H₂O
3Mn+8HNO₃=3Mn(NO₃)₂+2NO+4H₂O Марганец оксидлари қуйидаги табиатга эга: MnO ва, Mn₂O₃-асосли, MnO₂-амфотер, MnO₃ ва Mn₂O₇-кислотали. Уларга H₂MnO₄-манганат ва HMnO₄-перманганат кислоталар мос келади. Улар беқарор, лекин тузлари барқарор. Перманганатлар жуда кучли оксидловчилар.
669. Миснинг кимёвий хоссалари. Мис қиздирилганда баъзи металлмаслар билан бирикади 2Cu+O₂=2CuO; Cu+Cl₂=CuCl₂; Cu+S=CuS. Мис фаоллик қаторида водороддан кейин тургани учун суюлтирилган кислоталардан водородни сиқиб чиқара олмайди, лекин фаоллиги ўзидан кам бўлган металларни эритмада сиқиб чиқаради: Cu+2AgNO₃=Cu(NO₃)₂+2Ag. Мис сув билан таъсирлашмайди, яъни зангламайди. Мис оксидланиш-қайтарилиш реакцияларига киришади: Cu+2H₂SO₄(конц)=CuSO₄+SO₂+2H₂O Cu+4HNO₃(конц)=Cu(NO₃)₂+2NO₂+2H₂O
3Cu+8HNO₃(суюл)=3Cu(NO₃)₂+2NO+4H₂O Мис оксид асосли оксид. У сувда эримайди, кислоталар билан таъсирлашади: CuO+2HCl=CuCl₂+H₂O. Мис оксид ишқорларда эримайди. Мис гидроксид сувда эримайди: CuCl₂+2KOH=Cu(OH)₂↓+2KOH. Кислоталарда эрийди: Сu(OH)₂+2HCl=CuCl₂+2H₂O.
Ишқорларда қисман эрийди: Cu(OH)₂+2KOH=K₂CuO₂+2H₂O. Мис гидроксид қиздирилганда осон парчаланади: Cu(OH)₂=CuO+H₂O. Cu⁺² ионига сифат реакция: Cu⁺²+2OH^-=Cu(OH)₂(ҳаворанг чўкма).
670. Рухнинг кимёвий хоссалари. Рух кўпчилик металлмаслар билан бирикади: 2Zn+O₂=2ZnO; Zn+S=ZnS; 3Zn+N₂=Zn₃N₂; Zn+Cl₂=ZnCl₂; 3Zn+2P=Zn₃P₂; Рух ўзидан кам фаол металларни сиқиб чиқаради:
Zn+FeSO₄=ZnSO₄+Fe; Zn+CuCl₂=ZnCl₂+Cu. Рух амфотер металл саналади. Шу туфайли рух учун кислота ва ишқорлар билан таъсирлашув хос: Zn+2HCl=ZnCl₂+H₂; Zn+2KOH=K₂ZnO₂+H₂. Рух ишқорларда эриганда ҳосил бўлган тузлар цинкат деб аталади. Рух оксид ҳам амфотерлиги туфайли кислота ва ишқорлар билан таъсирлашади:
ZnO+H₂SO₄=ZnSO₄+H₂O; ZnO+2KOH=K₂ZnO₂+H₂O. Рух гидроксид ҳам амфотерлиги туфайли кислота ва ишқорлар билан таъсирлашади: Zn(OН)₂+H₂SO₄=ZnSO₄+2H₂O; Zn(OН)₂+2KOH=K₂ZnO₂+2H₂O.
Рух гидроксид сувда эримайдиган асослиги учун ион алмашиниш реакциясида чўкма ҳолида ҳосил қилинади:
ZnCl₂+2NaOH=Zn(OH)₂↓+2NaCl. У оқ рангли чўкма. қиздирилганда парчаланади: Zn(OH)₂=ZnO+H₂O.
Рух бирикмалари бўёқлар тайёрлашда, люминесцент модда сифатида телеэкранларни қоплашда ишлатилади.