Кимё фанидан абитуриентлар

Т Е М И Р.
649. Темирга умумий тавсиф беринг. Темирнинг даврий жадвалдаги ўрни 4 давр,VIIIВ гуруҳ.Тартиб рақами 26, нисбий
атом массаси 56, атом таркиби 26р, 26е, 26n. Электрон кон-си: 1s²2s²2p⁶3s²3p⁶4s²3d⁶.
Валентлиги II, III ва VI. Оксидланиш даражалари +2,+3, +6 (Тегишлича FеО, Fе₂О₃ ва FеО₃).
650. Темирнинг табиатда учраши. Темир табиатдаги миқдори жиҳатидан элементлар ичида тўртинчи, металлар
ичида иккинчи ўринда туради. У Ер қобиғи массасининг 5,5 % ини ташкил этади. Темир табиатда метеоритлар таркибида эркин ҳолатда учраши мумкин. Асосан қуйидаги бирикмалари учрайди: Fе₂О₃-гематит, қизил темиртош, Fе₃О₄-магнетит, магнит ли темиртош, Fе₂О₃·хН₂О-лимонит, қўнғир темиртош,FeS₂-пирит, FeCO₃-сидерит.
651. Темирнинг олиниши. Темир олиш учун унинг оксидлари термик қайтарилади: а)водородтермик усулда: Fе₃O₄+4H₂=3Fe+4H₂O б)карботермик усулда: Fe₂O₃+3CO=2Fe+3CO₂, в)алюминотермик усулда: 3Fe₃O₄+8Al=4Al₂O₃+9Fe
652. Темирнинг кимёвий хоссалари. Темир қуйидаги реакцияларга киришади: a) бирикиш: Fe+S=FeS; 2Fe+3Cl₂=2FeCl₃; 3Fe+2O₂=Fe₃O₄(FeO·Fe₂O₃) б) ўрин олиш: Fe+CuSO₄=FeSO₄+Cu; Fe+2HCl=FeCl₂+H₂;
3Fe+4H₂O=Fe₃O₄+4H₂; в)оксидланиш-қайтарилиш: 2Fe+6H₂SO₄=Fe₂(SO₄)₃+3SO₂+6H₂O 8Fe+30HNO₃=8Fe(NO₃)₃+3NH₄NO₃+9H₂O
653. Темир(II) оксиднинг олиниши. FеО қуйидаги усуллар билан олиниши мумкин: а)темир зангини қисман қайтариб: Fe₃O₄+CO=3FeO+CO₂; Б)темир(II)-гидроксидни парчалаб: Fe(OH)₂=FeO+H₂O
654. Темир(II) оксиднинг хоссалари. Темир(II) оксид FеО-асосли оксид. Сувда эримайди, кислоталарда эрийди:
FеО+2HCl=FeCl₂+H₂O. қайтарувчилар таъсирида қайтарилади: FеО+H₂=Fe+H₂O.
655. Темир(III) оксиднинг олиниши. Темир(III)оксид Fе₂О₃ темирнинг тўла ёнишидан ҳосил бўлади: 4Fe+3O₂=2Fe₂O₃.
Темир(III)гидроксид парчаланишидан ҳам олиш мумкин: 2Fe(OH)₃=Fe₂O₃+3H₂O.
656. Темир(III) оксиднинг хоссалари. Темир(III) оксид қисман амфотерлик хусусиятига эга:
Fe₂O₃+6HCl=2FeCl₃+H2O; Fe₂O₃+2KOH=2K/eO₂+H₂O Ҳосил бўлан тузлар ферритлар деб аталади. қайтарувчилар таъсирида қайтарилади: Fе₂О₃+3H₂=2Fe+3H₂O. Fе₂О₃-сувда эримайди.
657. Темир(II) гидроксиднинг олиниши. Темир(II)гидроксид сувда эримайди. Шунинг учун у ион алмашиниш реакциясида
ҳосил қилиниши мумкин: FeSO₄+2KOH=Fe(OH)₂↓+K₂SO₄.
658. Темир(II) гидроксиднинг хоссалари. Fe(OH)₂-сувда эримайдиган асос. Кислоталарда эрийди: Fe(OH)₂+2HCl=FeCl₂+2H₂O. қиздирилганда парчаланади: Fe(OH)₂=FeO+H₂O. Ҳаво кислороди таъсирида
осонгина оксидланиб Fe(ОН)₃ га айланади: 4Fe(OH)₂+2H₂O+O₂=4Fe(OH)₃.
659. Темир(III) гидроксиднинг олиниши. Темир(III)гидроксид сувда эримайди. Шунинг учун у ион алмашиниш реакциясида ҳосил қилиниши мумкин: Fe₂(SO₄)₃+6KOH=2Fe(OH)₃↓+3K₂SO₄.
660. Темир(III) гидроксиднинг хоссалари. Fe(OH)₃-сувда эримайди. Кислоталарда ва қисман ишқорларда эрийди:
Fe(OH)₃+3HCl=FeCl₃+3H₂O Fe(OH)₃+KOH=KFeO₂+2H₂O. Ҳосил бўлган тузлар ферритлар деб аталади.
қиздирилганда парчаланади: 2Fe(OH)₃=Fe₂O₃+3H₂O.