Kimyodan masalalar yechishga umumiy metodik talablar. Kimyodan masalalar yechishning kimyo o’qitishdagi ahamiyati

Mundarija

KIRISH 3
I BOB. KIMYODAN MASALALAR YECHISHGA UMUMIY METODIK TALABLAR. 6
1.1 Kimyodan masalalar yechishning kimyo o’qitishdagi ahamiyati. 6
1.2 O’quvchilarda kimyodan masalalar yechishning izchilligini 11
II BOB. KIMYODAN MASALALAR YECHISH FANI HAQIDA 16
2.1 Kimyodan masalalar yechish fanini o’qitishning ahamiyati 16
2.2 Kimyodan masalalar yechishda fanlararo bog’lanish. 20
XULOSA 37

KIRISH

Biz xalqimizning hech kimdan kam bo’lmasligi, farzandlarimizning bizdan ko’ra kuchli, bilimli, dono va albatta baxtli bo’lib yashashi uchun bor kuch va imkoniyatlarimizni safarbar etayotgan ekanmiz, bu borada ma’naviy tarbiya masalasi, hech shubxasiz, beqiyos ahamiyat kasb etadi. Agar biz bu masalada hushyorlik va sezgirligimizni, qat’iyat va ma’suliyatimizni yo’qotsak, bu o’ta muhim ishni o’z holiga, o’zibo’larchilikka tashlab qo’yadigan bo’lsak, muqaddas qadriyatlarimizga yo’g’rilgan va ulardan oziqlangan ma’naviyatimizdan, tarixiy xotiramizdan ayrilib, oxir-oqibatda o’zimiz intilgan umumbashariy taraqqiyot yo’lidan chetga chiqib qolishimiz mumkin.
Ta’limning yangi modeli jamiyatga mustaqil fikrlovchi erkin shaxsning shakllanishiga olib keladi. O’zining qadr qimmatini anglagan irodasi baquvvat, iymoni butun, hayotga aniq maqsadga ega bo’lgan insonlarni tarbiyalashga ega bo’lamiz.
O’quvchilarning kimyo fanidan olgan nazariy bilimlarini mustahkamlash uchun masala va mashqlarni mustaqil ishlay olishlari muhim ahamiyatga ega. Kimyodan amaldagi DTS va o’quv dasturlari asosida yozilgan darsliklar hamda qo’shimcha adabiyotlardan olgan bilimlari shuningdek, o’qituvchilarning ko’rsatmalari masala, mashqlar yechish malakalari shakllanadi.
Mustaqillik yillarida jamiyatimiz hayotining barcha sohalarida bo’lgani kabi ta'lim tizimida ham bir qator islohotlar amalga oshirilmoqda. "Ta'limning yangi modeli jamiyatda mustaqil fikrlovchi erkin shaxsning shakllanishiga olib keladi. Biz o’zining qadr-qimmatini anglaydigan, irodasi baquvvat, iymoni butun, hayotda aniq maqsadga ega bo’lgan insonlarni tarbiyalash imkoniga ega bo’lamiz".
Endi pedagogning asosiy vazifasi o’quvchilarga tayyor bilim berish emas, balki bilimlarni mustaqil egallashlariga ko’maklashishdan iborat. Buning uchun esa o’quvchilarning o’z qobiliyati va imkoniyatlarini to’la-to’kis namoyon etishlari va butun kuch-g’ayratlarini bilim olishga sarflashlari uchun imkon beradigan darajada ta'lim-tarbiya jarayonini takomillashtirish zarur.An'anaviy tarzdagi o’qituvchining faolligi va barcha materialni tushuntirishga harakat qilishi bilan bog’liq bo’lgan darslarning o’rniga o’quvchining faolligini oshirish bilan bog’liq bo’lgan noan'anaviy darslarni amalga oshirish hozirgi kundagi dolzarb masalalardan biridir. Endilikda o’qitish jarayonida o’quvchilarni zeriktirib qo’ymaydigan, fikrlashga, mustaqil ishlashga yo’naltiradigan har xil metodlar va o’qitish vositalaridan samarali foydalanish muhim ahamiyat kasb etmoqda.Zero o’quvchi an'anaviy o’qitish jarayonida ob'ekt hisoblansa, bugun u sub'ektga aylanmoqda.
Ta'limning "ob'ekt-sub'ekt" tizimi o’z o’rnini "sub'ekt-sub'ekt" tizimiga bo’shatib bermoqda. Milliy ta'lim modelining o’ziga xos jihati va yangiligi ham shundan iborat. Kimyoga doir nazariy bilimlarni puxta bilib olmoq uchun kimyoning barcha bo’limlariga taalluqli masalalarni yecha oladigan bo’lish nihoyatda zarurdir. Masalalarni yecha bilish maktab, litsey va kasb-hunar kollej o’quvchilariga, shuningdek, oliy o’quv yurtlari talabalarining ko’pgina kimyoviy protsesslar va qonuniyatlarni chuqur o’rganishlari va tushunib olishlariga imkon beradi. Afsuski, masalalar yechishga hamma vaqt ham yetarlicha e’tibor berilavermaydi Oliy o’quv yurtiga kiruvchilar uchun mo’ljallangan ko’pgina qo’llanmalarda masalalar yechish ikkinchi darajali vazifa deb qaraladi, har xil tip masalalarning xususiyatlariga hamda ularni yechish metodikasiga diqqat jalb etilmaydi.Ammo oliy o’quv yurtiga kirish imtihonlarida testalrning deyarli 70-80 % i masalalardan iborat.Shuni inobatga olib masalalar yechishga ko’proq e’tibor qaratish lozim deb bilaman.Kimyodan masalalar yechishning ilmiy-ommabop usullarini qo’llash orqali o’quvchilar faolligini hamda, kimyo fanidan bilim samardorligini oshirish.
Kimyo fanlaridan o’quvchilarning masala yechishni tashkil etish va ularning bilim olish faoliyatini oshirish masalalari bir qator ilmiy adabiyotlarda yoritilgan bo’lsada aksariyat hollarda sinfda yoki sinfdan tashqarida bajariladigan masalalar ishlashga asosiy e'tibor beriladi. Uyda mustaqil masalalar ishlash va o’z-o’zini baholash orqali ularning bilim olishini faollashtirish muammolari deyarli ishlab chiqilmagan. Vaholanki, uyda bajariladigan masalalar dars jarayonida olingan bilimlarni mustahkamlashga, ularni yanada kengaytirib, yangi bilimlar bilan boyitishga yordam beradi. O’z-o’zini baholash orqali bilimni nazorat qilish esa o’quvchilarning bilim olishga qiziqishini oshiradi, bilim olishni rag’batlantiradi, ta'lim jarayonini demokratlashtirishga imkon yaratadi.Sinfdagi barcha o’quvchini masalalar yechishga safarbar qilishning sinalgan ikki yo’li-dars va uy vazifalarini bajarish bilan bog’liq. Shu boisdan, adabiyotlarda deyarli bir-biriga bog’liq holda tadqiq etilmagan ushbu ikki yo’nalishni izlanishlarimizga asosiy maqsad qilib belgilashni lozim topdik.
Umumiy o’rta ta'lim maktablari va akademik lisey o’quvchilarining anorganik va organik kimyodan masalalar yechishning ilmiy va ommabop usullarini joriy etishdan iborat. Kimyodan masalalar yechishning eng qulay usullaridan foydalanaish. O’quvchilarning kimyo faniga bo’lgan qiziqishlarini masalalar yechish orqali oshirish.
O’quvchilarning anorganik va organik kimyodan masalalar yechishning oddiy usullarini tashkil etish va takomillashtirish bo’yicha didaktik jihatdan to’g’ri hamda maqsadga muvofiq tarzda amalga oshiriladigan sinflar orasida o’tkaziladigan viktorinalar, tadbirlar ta'limning sifat va samaradorligini oshiradi va shu bilan birga o’quvchilarning epchillik, hushyorlik qobilyatlarini mustahkamlaydi.
-anorganik va organik kimyodan uyda masalalar uchun zarur bo’lgan ko’p tanlov javobli va kombinasiyali test topshiriqlarini ishlab chiqish;
-kimyoviy reaksiyalarning kompyuter animasiyalarini ishlab chiqish;
-turli shakl va mazmundagi didaktik o’yinlarni ishlab chiqish va ularni masalalr yechish darslarida qo’llash;
-masalalar yechishning noan'anaviy usullarini ishlab chiqish;
Kimyoviy jarayonlarning kompyuter animasiyalari, noan'anaviy kubiklar usuli hamda turli xildagi didaktik o’yinlar va kimyoviy boshqotirmalar o’quvchilarning bilim olishga qiziqishini oshiradi, ta'lim jarayonini faol tashkil etishga imkon beradi. Bu esa ta'lim tizimining demokratik tamoyillarini tarkib toptirib, o’quvchini bu jarayonning markaziy sub'ektiga aylantiradi.