Kirish dissertatsiya mavzusining dolzarbligi

Tajriba-sinov ishlarida qatnashgan talaba-respondentlar

№	OTMlar	Guruhlar	Ishtirokchilar soni
			2-bosqich	3-bosqich	4-bosqich	jami
1.	Termiz davlat universiteti	Tajriba guruhi	24	24	25	73
		Nazorat guruhi	22	25	26	73

Tajriba-sinov ishlari aniqlashtiruvchi va shakllantiruvchi kabi ikki bosqichda amalga oshirildi. Talabalar kasbiy faoliyatini rivojlantirish uchun avvalo reja tuzish, tahlil qilish va dars mashg‘ulotlarini o‘tkazishda talabalarning kasbiy-ijodiy qobiliyatlari qay darajada kasbiy bilimlarga ega ekanlik holatini aniqlash ishlarini olib borilishi zarurdir.
Aniqlashtiruvchi bosqichda tadqiqot davomida ilgari surilgan g‘oyalarni talabalarning amaldagi faoliyatiga ta’siri o‘rganiladi. Kasbiy-ijodiy qobiliyatlarni rivojlantirish bo‘yicha ilgari surilayotgan g‘oyalarga tushunmaslik holatlari aniqlanadi, uni bartaraf etuvchi vositalar va ishlanmalar yaratish rejalashtiriladi. Shakllantiruvchi bosqichida esa kasbiy fanlar o‘quv jarayonini takomillashtirish, ma’naviy-ma’rifiy tadbirlar o‘tkazish va ularni tahlil qilish, talabalarning auditoriyadan tashqari ishlari asosida kasbiy-ijodiy qobiliyatlarni rivojlantirish usul, vositalarini ishlab chiqish va ushbu vazifalarni amalga oshirish bo‘yicha maqsadga yo‘naltirilgan faoliyat tashkil etiladi.
Har ikkala bosqichda ham oliy ta’lim muassasasi talabasining kasbiy-ijodiy qobiliyatlarini aniqlashdagi baholash darajalariga e’tibor qaratildi. Bu baholash darajalarida muhim kompenetlar va kasbiy-ijodiy komponentlar tuzilmasidagi bloklar orqali beriladigan bilim, ko‘nikma va malakalarni egallashi lozim bo‘lgan darajalarga ajratilgan holda amalga oshirildi. Talabalar kasbiy-ijodiy faoliyatining dolzarb nazariy ishlanmalarini hamda innovatsion amaliy yechimlarini maqsadga muvofiq va izchil o‘zlashtirishga imkon beradigan, pedagogik faoliyatning tanlangan sohasida o‘zining noan’anaviy yo‘nalishini izlashga undaydigan shaxs sifatlari va xususiyatlarining namoyon bulishi ham hisobga olinadi.
Oliy ta’lim muassasasi talabasining kasbiy-ijodiy qobiliyatlarini rivojlantirishning baholash mezonlariga ko‘ra bilim darajalari aniqlashtirildi. Bunday bilim darajalarini aniqlashda “yuqori”, “o‘rta” va “quyi” ko‘rsatkichlardan foydalanildi (3.4-jadvalga qarang):
3.4-jadval.