Kirisiw. Tiykarǵi bólim. T. Qayıpbergenovtıń shıǵarmalarında janapaylar

Tap, aq janapayları da kúsheytiwshilik máni beredi. Tap sózi ózi menen qollanılatuǵın sózdiń aldında, aq janapayı keyninde keledi. Bul janapay qatnasqan gápti janapaysız qollanılǵan túrine salıstırǵanda dáslepkiden góri stillik jaqtan ótkirlik seziledi: Quwat tap bizdi áskerlikten ózi qaytarǵanday, mardıyıp tórde maldas qurınıp alıptı. Dúkan artınan kombinizon kiygen birew jaqınlasıwdan-aq qudashasınday sıylap, ekewimizdi birden qushaqladı (Sh.S.).

Daǵı janapayı jay gáplerdiń bayanlawıshı menen birge kelip, gápke kúsheytiwshilik máni beredi: Ómiri qısqa eken daǵı (A.S.).

Modal mánili janapaylardıń toparın aw, ay, shı/shi, ós, shesh, sana, seńo, sa/se, dı/di, a, á, o, mıs/mis, mısh/mish, t.b. kómekshi sózler quraydı. Bul janapaylar gáptegi aytılǵan pikirge sóylewshiniń boljaw, ótiniw, tańlanıw, buyırıw, kek etiw, mısqıllaw, t.b. sıyaqlı subyektivlik qatnasların ańlatadı: Mısalı: 1. Onıń mashqalasın óz kózi menen kórse eken-aw (Sh.S.). 2. Oy qoyan júrek-ay. 3. Joq bolshı-ay,-dep qolın bir siltedi (Z.V.). 4. Ómir degen-á, biz ketkende erinleri túrilgen kishkene ǵana jumalaq qara qız edi. 5. Pa, esirtedi-da! –dep háwes penen basın shayqadı (Sh.S.).