Kolloid eritmalarning olinishi

Ish uchun kerakli jihozlar

30 ml li ikkita stakan, uch oyoqli o’choq, asbestlangan sim to’r, shtativga o’rnatilgan oltita probirka, o’yuvchi natriy va qalay (IV) – xlorid eritmalari uchun ikkita tomizg’ich pipetka, shisha tayoqcha, gaz gorelkasi.

Eritmalar: 1 N qalay (IV) – xlorid , 1 N o’yuvchi natriy, 0,1 N xlorid kislota, 0,1 N kumush nitrat, alyuminiy xloridning 1% li eritmalari ammiakning suvdagi 5 – 10% li eritmasi.

1 – tajribani bajarish tartibi. 200 ml qaynab turgan suvga SnCl₄ eritmasi tomchilab qo’shiladi. Hosil bo’lgan cho’kma distillangan qaynoq suv yordamida to Cl^- ionlari batamom yuvilguncha dekantasiya qilinadi, bunda Cl^- bor yo’qligi kumush nitrat eritmasi yordamida tekshiriladi.

Yuvilgan cho’kmaga bir necha tomchi NaOH yoki HCl quyiladi, ko’p suv qo’shib suyultiriladi va chayqatiladi, natijada stannat kislota zoli hosil bo’ladi.