Kommunikatsiyalar universiteti kurs ishini

ILMIY-NAZARIY ADABIYOTLARDAN FOYDALANISH 
Kurs ishini sifatli bajarishning muhim shartlaridan biri tanlab olingan mavzu 
bo‘yicha mavjud maxsus adabiyotlarni chuqur o‘rganish hisoblanadi. Talaba 
mavzuga oid tegishli rasmiy ma'lumotlarni, ilmiy asarlarni, darsliklarni, ilmiy 
maqolalar to‘plamlarini, jurnallarda nashr etilgan maqolalarni, ilmiy anjumanlar 
materiallarini o‘rganib chiqishi zarur. Adabiyotlarni o‘rganish jarayonida asosiy 
e'tiborni birinchi navbatda maqola yoki kitobning kurs ishi bilan to‘g‘ridan-to‘g‘ri 
bog‘liq bo‘lgan qismlariga, ya'ni boblarga, paragraflarga qaratishi kerak. Mavzu 
yuzasidan ma'lumotlarni to‘plashda ilmiy-amaliy anjumanlar materiallaridan, 
sosiologik tadqiqotlardan foydalaniladi. Bundan tashqari tanlangan mavzu bo‘yicha 
mustaqil sosiologik tadqiqotlar, kuzatishlar, so‘rovlar o‘tkazish ham muhim 
ahamiyatga ega. To‘plangan ma'lumotlarni alohida bo‘limlar va paragraflar 
bo‘yicha taqsimlash va shundan keyingina ularni har bir bo‘lim va paragraf maqsadi 
va vazifalariga mos ravishda qayta ishlashga kirishish maqsadga muvofiqdir. Ilmiy 
ma'lumotlarni taqdim etishda talaba shu sohada mavjud bo‘lgan va o‘zi foydalangan 
boshqa ilmiy tadqiqotlardan, ma'lumotnomalardan dalil keltirishi zarur.
 

---

8 
KURS ISHIGA RAHBARLIK 
Kurs ishiga rahbarlik mutaxassislik kafedrasida faoliyat yuritayotgan tajribali 
mutaxassis tomonidan amalga oshiriladi. Bir rahbarga 50 nafargacha talaba 
biriktiriladi. Rahbar talabaga kurs ishini bajarish bo‘yicha belgilangan tartibda 
topshiriq (2-ilova) beradi.
Ilmiy rahbarning asosiy vazifalari quyidagilardan iborat:
• 
kurs ishi yozish bo‘yicha vazifa berish;
• 
talabaga kurs ishi tuzilishi va rejasini ishlab chiqishda yordam berish; 
• 
talabaga mavzu bo‘yicha asosiy va qo‘shimcha adabiyotlarni, ma'lumotlarni 
tanlashda yordam berish;
• 
talaba bilan birgalikda tadqiqot ob'ekti va doirasini, ob'ekt faoliyatini 
o‘rganish, ma'lumotlar yig‘ish va ularni tahlil qilish metodlarini aniqlash.
Ilmiy rahbar talaba tashabbusini turli yo‘llar bilan rivojlantirishga va mustaqil 
ilmiy tadqiqot ishini amalga oshirishiga yordam beradi. Rahbarning kurs ishi yozish 
yuzasidan maslahatlar berishi ilmiy rahbar tomonidan belgilangan va kafedra 
tomonidan tasdiqlangan muddatlarda olib boriladi. Ilmiy rahbar taqdim qilingan 
kurs ishining dastlabki variantini tekshirib, o‘z mulohazalarini bildiradi va talabaga 
ishni qaysi yo‘nalishda o‘zgartirish va to‘ldirish kerakligi to‘g‘risida maslahat 
beradi. Kurs ishi belgilangan talablar asosida bajarilmagan taqdirda ilmiy rahbar uni 
qabul qilmasligi mumkin.