“kriminаlistikа”

Kriminalistik 

fotografiya 

va 

videoyozuv 

uchun 

kompyuter 

majmuasidan foydalanishning texnik-iqtisodiy asoslanishi: 

---

38 

 

Jamiyatimizda  ichki  ishlar  idoralari  faoliyatida  kompyuter  texnologiyalari, 

xususan vazifasi moddiy axborotlarni qayd etish va daliliy ahamiyatga ega bo‘lgan 

yashirin  (latent)  ma’lumotlarni  aniqlashdan  iborat  bo‘lgan  kriminalistik 

fotografiyadan foydalanishning aniq qoidalari mavjud.  

Ushbu  vazifalarni  kompyuter  fotografiyasi  vositalari  yordamida  bajarish 

imkoniyatlarini asoslash uchun quyidagi ikki vaziyatni ko‘rib chiqaylik. 

Birinchisi  –  hodisa  sodir  bo‘lgan  joyni  ko‘zdan  kechirish  (orientirlovchi, 

obzorli, bog‘lovchi va detalli suratga olish), ko‘rsatuvlarni hodisa joyida tekshirish, 

tergov  eksperimenti,  tintuv  va  boshqa  tergov  harakatlarini  o‘tkazish  jarayonida 

olingan fotosuratlarni o‘rganish; 

Ikkinchisi  –  kriminalistik  ekspertizalarni  o‘tkazishda  olingan  (masalan, 

«MBS» va «MSK» mikroskoplaridan foydalanib, kontrastlovchi va rang ajratuvchi 

fotosurtga  olish,  makro-  va  mikrosuratga  olish,  spektrning  ko‘rinmas  sohalaridagi 

fotosuratga  olish,  ekspert  xulosalarining  ko‘rgazmali  ilovasidagi  fotosuratlar, 

kriminalistik  obyektlarning  ko‘rinmaydigan  belgilari  aks  etgan  fotosuratlarni) 

fotosuratlarni o‘rganish.  

Ushbu  vaziyatlar  uchun  an’anaviy  fotografik  (oq-qora  va  rangli  fotosurat 

tayyorlash)  jarayon  va  raqaml  fotografik  metodning  samaradorligini,  fikrimizcha, 

fotosuratlarni tayyorlashga sarf bo‘ladigan vaqt hamda suratlarni kerakli hajmda va 

yetarlicha sifatli tayyorlashning tannarxi kabi ko‘rsatgichlar belgilaydi. 

Fotosuratlar  tayyorlashning  tannarxi  ko‘rsatkichi  o‘ziga  suratlarning 

miqdori,  ularning  hujjatlar  uchun  mo‘ljallangan  o‘lchamlari  kabilarni  qamrab 

oladi. 

Fotosuratlarni  tayyorlashga  sarf  bo‘ladigan  vaqt  ko‘rsatgichi  esa  ushbu 

vazifalarni  bajarish  uchun  zarur  mehnat  sarfini  qamrab  oladi.  Unga  quyidagilar 

kiradi: 

– hodisa sodir bo‘lgan joyni ko‘zdan kechirish tergov harakati bayonnomasi 

yoki ekspertiza xulosasining fotojadvalini tayyorlashga sarf bo‘ladigan vaqt; 

–  shahar,  tuman  ekspert-kriminalistika  xizmati  miqyosida,  bir  yil  davomida 

ko‘rgazmali ilovalar (fotojadvallar) tayyorlashga sarflanadigan vaqt; 

---

39 

 

–  viloyat  ekspert-kriminalistika  xizmati  miqyosida,  bir  yil  davomida 

ko‘rgazmali ilovalar (fotojadvallar) tayyorlashga sarflanadigan vaqt. 

Ilovadagi  1-jadvalda  an’anaviy  (oq-qora  va  rangli)  fotografik  usulda 

tayyorlangan o‘lchami 9x12 sm bo‘lgan fotosuratning narxi keltirilgan

21

.