Kurs ishi mavzu: Axoli daromadlari va xarajatlarining balansi Bajardi: m-216-18

O‘ZBEKISTON RESPUBLIKASI OLIY VA O‘RTA, MAXSUS TA’LIM VAZIRLIGI

Qarshi Muhandislik Iqtisodiyot instituti

«Moliya» kafedrasi

“Moliya” fanidan

KURS ISHI

Mavzu: Axoli daromadlari va xarajatlarining balansi
Bajardi: M-216-18- kurs talabasi, Jonimqulov Mirtemir
Ilmiy rahbar: katta o’qit. Н. Р. Муртазаев

QARSHI-2022

MUNDARIJA:

1. 
   KIRISH…………………………………………………………………2
   
2. 
   ASOSIY QISM…………………………………………………………3
   

1. Aholi daromadlarining tarkibi va ularni tartibga solish……………………..…6

2. Ish haqi. Uning shakllari va tizimlari………………………………………….13
3 Aholi xarajatlarining balansi…………………………………………….……..18

3. 
   XULOSA………………………………………………………………29
   

FOYDALANILGAN ADABIYOTLAR RO`YXATI……………….30
KIRISH
Bozor iqtisodiyotining eng muhim o’ziga xos xususiyati shundan iboratki, u jamiyat a’zolarining aqliy va jismoniy qobiliyatlarini to’la namoyon bo’lishi va shu tufayli ularning turmush farovonligini tobora oshira borish uchun zarur bo’lgan shart-sharoitlarni yaratib beradi. Bu tizimning insonparvarlik jihati, ayniqsa, ijtimoiy yo’naltirilgan bozor iqtisodiyotiga asoslangan mamlakatlarda to’laroq namoyon bo’ladi.
Bozor iqtisodiyoti, birinchidan, mamlakatning yuksak iqtisodiy taraqqiyotini ta’minlash orqali aholining turmush farovonligini muttasil yuksaltira borish imkoniyatini yaratsa, ikkinchidan, aholining ko’pchilik qismini mulk egasiga aylantiradi. Natijada aholi daromadlarini uzluksiz ortib borishi uchun mustahkam zamin yaratiladi.
Bozor iqtisodiyoti sharoitida hamma daromadlar pul shaklida ifodalanadi va ishlab chiqarish omillari bahosi bilan uzviy aloqada bo’ladi. Ushbu baholarga talab va taklifning nisbati, raqobat va monopoliya, albatta, ta’sir ko’rsatadi.
Daromadlar ma’lum vaqt mobaynida olingan va shaxsiy iste’mol uchun tovar va xizmatlar sotib olishga mo’ljallangan pul mablag’lari summasidir. Aholining yashash darajasi uning daromadlari miqdoriga bevosita bog’liqdir. Chunki bozor iqtisodiyoti sharoitida iste’mol ne’matlari va xizmatlarining asosiy qismi tovar sifatida sotiladi. Insonning daromadlari qancha yuqori bo’lsa, u o’z ehtiyojlarini shunchalik to’laroq qondira olish imkoniyatiga ega bo’ladi.
Bozor iqtisodiyoti sharoitida aholi pul daromadlarining quyidagi to’rtta asosiy manbalari mavjud bo’lib, ular ish haqi, foyda, mulkdan olinadigan daromad va ijtimoiy to’lovlardan iboratdir.
O’zbekistonda oila daromadlarining tarkibi haqida dalolat beruvchi raqamlar