Kurs ishi yozish bo’yicha uslubiy ko’rsatmalar So’zboshi

Kurs ishi yozish bo’yicha uslubiy ko’rsatmalar


So’zboshi
O’zbekistonimizga munosib, sobitqadam, ma'naviyati yuksak avlodni tarbiyalash jarayonida jamiyat rivojlanishiga monand o‘zgarishlarning tabiatini anglash va ularga mos keladigan chora-tadbirlarni aniq belgilash katta amaliy ahamiyatga ega bo‘ladi. Zero, mustaqil O‘zbekistonda amalga oshirilayotgan ulkan bunyodkorlik ishlari, shaxs kamoloti uchun yaratilayotgan shart-sharoitlar uning o‘zligini anglab borishi va o‘z ustida muttasil ishlagan tarzda yurt ravnaqi hamda Vatan taraqqiyoti uchun fidorona mehnat qilish maqsadida butun iqgidori va aqli-shuurini safarbar etishga undaydi. Islohotlar va ularning tom ma'nodagi mohiyatini esa birinchi navbatda yoshlar, ularning ilg‘or vakillari bo‘lmish talaba-yoshlar anglaydilar. Chunki zamonaviy kadrlar oldiga qo‘yilayotgan eng muhim vazifalardan biri - malakali mutaxassislar sifatida o‘zligini, o‘z qobiliyatlari, individualligi, shaxsiy fazilat hamda xislatlarini bilgan tarzda atrofidagilar mehnatini oqilona tashkil etish va ijtimoiy-foydali mehnatning barcha sohalarida iqtidorli kasb sohibi sifatida faollik ko‘rsatishdir.
Kurs ishi talaba faoliyatining muhim va murakkab shakllaridan biri bo‘lib, u yoki bu kursga oid bilimlar tizimini mustaqil o‘zlashtirishni ta'minlovchi ish turi hisoblanadi. Kurs ishi yordamida talabaning egallagan bilim, ko‘nikma va malakalari ilmiy-metodik fikrlash, belgilangan mavzu yuzasidan bilganlarini izchil bayon eta olish ko‘nikmalari nazorat qilinadi.
Kurs ishi yozayotgan talaba mavzuni mukammal yoritishi, mavzuga oid adabiyotlarni o‘rganganligini ko‘rsata olishi, mustaqillikka amal qilishi, asosiysi tegishli amaliy tavsiyalarni ifodalay olishi zarur.


Kurs ishi yozishning nazariy asoslari
Kurs ishi talaba faoliyatining muhim va murakkab shakllaridan biri bo‘lib, u yoki bu kursga oid bilimlar tizimini mustaqil o‘zlashtirishni ta'minlovchi ish turi hisoblanadi. Kurs ishi yordamida talabaning egallagan bilim, ko‘nikma va malakalari ilmiy-metodik fikrlash, belgilangan mavzu yuzasidan bilganlarini izchil bayon eta olish ko‘nikmalari nazorat qilinadi.
Kurs ishi yozayotgan talaba mavzuni mukammal yoritishi, mavzuga oid adabiyotlarni o‘rganganligini ko‘rsata olishi, mustaqillikka amal qilishi, asosiysi tegishli amaliy tavsiyalarni ifodalay olishi zarur.
Kurs ishi bevosita kafedra tomonidan biriktirilgan ilmiy rahbar nazorati va yo‘llanmasi asosida amalga oshiriladi.
Ilmiy rahbar kurs ishi bajarilishi jarayonida tegishli ilmiy-metodik maslahatlar beradi. Kurs ishi yozib tugatilgach dekanatga topshiriladi. Dekanat ro‘yxatdan o‘tkazib rahbarga topshiradi. Rahbar 10 kun mobaynida tekshirib, kafedrada himoya qilishga topshiradi. Kurs ishi quyidagi qismlardan tashkil topadi.
-muqova
-mundarija
-kirish
-asosiy qism
-xulosa
-foydalanilgan adabiyotlar ro‘yxati.
-ilovalar (metodikalar, suratlar, slaydlar, jadvallar va h.)
Kurs ishi hajmi 25-35 betdan iborat bo‘ladi.
Mazkur qo‘llanma shu xildagi qiyinchiliklarni bartaraf qilishga yordamlashadi, hamda kurs ishlarini tayyorlash borasidagi ishlarni metodik jihatdan to‘g‘ri tashkil etishga yordam berish maqsadida tayyorlandi.
Kurs ishlarini tayyorlash jarayonida talabalar tavsiya qilinayotgan adabiyotlarini qunt bilan o‘rganib chiqishi hamda nazariy qismni tayyorlashi ko‘zda tutilgan. Amaliy qismda esa o‘rganilayotgan muammoni mustaqil holda nazariy va amaliy jihatdan o‘rganib, olingan natijalarni miqdor va sifat tahlil qilishi lozim. Talaba bajargan kichik tadqiqoti yuzasidan tegishli xulosa tayyorlaydi va o‘z mulohazalarini asoslaydi.
Kurs ishlari asosan quyidagi vazifalarni amalga oshirishni ko‘zda tutadi.
-talabalarda ijtimoiy falsafaga doir adabiyotlar ustida mustaqil ishlay olish malakasini shakllantirish;
-talabalarni ijtimoiy falsafaga doir tadqiqotchilik malakalari bilan qurollantirish
-talabalarni ijtimoiy falsafadan egallagan nazariy bilim va amaliy malakalarini pedagogik jarayonga tadbiq qila olishga o‘rgatish:
-pedagogik tadqiqot natijalariga tayangan holda mustaqil xulosa chiqarish ko‘nikmasini shakllantirish;
-talabalarda ijtimoiy falsafadan egallagan bilimlarini asosli, ishonchli va erkin bayon qilib bera olish malakasini tarbiyalash;
Taqdim etilayotgan ko‘rsatmalar har bir talabaning ijtimoiy falsafa fani haqidagi bilim va malakalarini yanada chuqurroq o‘zlashtirilishi uchun katta imkoniyatlar yaratishiga aminmiz.