Лойиҳа бошқаруви

Халқаро лойиҳаларни бошқариш уюшмаси
стандартлари ICB (IPMA) 
Лойиҳани бошқариш учун асосий IPMA стандарти бу ICB - IPMA 
Competence Baseline, Version 4.0. Ушбу стандарт лойиҳа бошқарувчи-
сининг, шунингдек лойиҳа, дастур ва лойиҳа портфелини бошқариш 
доирасидаги лойиҳа жамоалари аъзоларининг ваколатларига қўйила-
диган талабларни тавсифлайди. Компетенцияларни баҳолаш учун тўрт 
даражали IPMA сертификатлаш тизими қўлланилади:
A даражаси - сертификатланган лойиҳа директори; 
B даражаси - сертификатланган катта лойиҳа менежери; 
C даражаси - сертификатланган лойиҳа менежери; 
D даражаси - лойиҳаларни бошқариш бўйича сертификатланган 
мутахассис. 
Стандартни ишлаб чиқиш учун қуйидаги давлатлар миллий стандарт-
ларидан фойдаланилди: 
Body of Knowledge of APM (Буюк Британия, Ирландия); 
Criteresd`analyse, AFITER (Франция). 
Beurteilungsstuktur, VZPM (Швейцария); 
PM - Kanon, PM - ZERT/GPM (Германия). 

---

 
ЛОЙИҲА БОШҚАРУВИ 
~ 42 ~ 
2019 йилдан бошлаб ICB 4.0 стандартининг тўртинчи нашрида 
лойиҳа, дастур ва лойиҳа портфелини бошқариш учун 46 та компетен-
ция элементлари аниқланган, уларнинг барчаси уч гуруҳга бўлинади:
техник - лойиҳани бошқариш фаолияти мазмуни билан боғлиқ 
20 та элемент: 
хулқ-атвор - лойиҳани бошқариш жараёнида индивидуал 
субъектлар ва одамлар гуруҳларининг ўзаро муносабатлари 
билан боғлиқ 15 та элемент; 
контекстуал - лойиҳани бошқаришнинг ўзаро таъсирини, 
шунингдек лойиҳанинг ташкилий, ишбилармон, сиёсий ва 
ижтимоий муҳитини белгилайдиган 10 элемент. 
IPMAга аъзо уюшмалар мутахассисларнинг компетенциаларига 
нисбатан ўзларининг миллий талабларини ишлаб чиқишлари учун 
жавобгардирлар, улар кейинчалик IPMA томонидан тасдиқланади. 
РМ ICB стандартида айтилишича, ташкилотдаги лойиҳалар 
муваффақиятининг асосий ваколати дастурлар ва лойиҳа портфелла-
рини самарали бошқариш ҳисобланади. ICB моделининг ўзига хос 
хусусияти ташқи ташкилотларга нисбатан юқори даражада очиқлик-
дир, бу эса миллий уюшмаларга ўзига ўзига хос элементларни кири-
тишга имкон беради.