Лойиҳа бошқаруви

I. ФАННИНГ МАҚСАД ВА ВАЗИФАЛАРИ, 
КОМПЕТЕНЦИЯЛАР 
Барча лойиҳалар антиқадир. Лойиҳанинг ҳар бир тури учун 
мукаммал бошқарув тизими мавжуд эмас. Бундан ташқари, ҳар бир 
раҳбарга мос келадиган ва жамоанинг барча аъзолари учун қулай 
бўлган тизим мавжуд эмас. Бироқ, лойиҳаларни бошқариш мавжуд 
эканки, қабул қилиниши мумкин бўлган кўплаб самарали ёндашувлар, 
усуллар ва стандартлар ишлаб чиқилган. Ишлаб чиқилган ёндашувлар 
бир-биридан жуда фарқ қилади. Уларнинг қўлланилиши, тафсилот-
лари, ўзини ўзи таъминлаши ва расмийлаштирилиши билан фарқлана-
ди. Ушбу дарслик лойиҳаларни бошқаришда қўлланиладиган турли 
хил стандартлар, тушунчалар, услублар ва асосларни ўз ичига олади. 
Ўзбекистонда лойиҳаларни бошқариш методологиясидан кенг 
фойдаланиш учун шароитлар яратилиб борилмоқда. Ушбу усул реал 
шароитда самарали бошқарув воситаси ва шу билан бирга, қабул 
қилинган бюджет доирасида ўз вақтида, талаб қилинадиган сифатли 
инвестиция лойиҳаларини амалга ошириш учун тасдиқланган воси-
тадир. 
Дарсликнинг асосий мақсади лойиҳаларни бошқариш ва уни 
маҳаллий корхоналарда жорий қилиш бўйича халқаро тажрибани 
батафсил таҳлил қилиш асосида лойиҳани ишлаб чиқиш ва амалга 
ошириш қобилиятини ривожлантиришдир. 
Белгиланган мақсадга эришиш учун дарслик давомида 
қуйидаги 
вазифалар ҳал қилинади: 
- лойиҳаларни бошқариш тушунчаси ва моҳиятини ўрганиш;
- лойиҳаларни бошқаришнинг назарий асосларини ўрганиш; 
- лойиҳани бошқариш тизимини кўриб чиқиш; 
- лойиҳаларни бошқаришнинг жаҳон тажрибасини таҳлил қилиш; 
- лойиҳаларни бошқаришдаги глобал тенденцияларни ўрганиш; 
- лойиҳаларни бошқаришда жаҳон тажрибасини қўллашни баҳолаш; 
- лойиҳа циклини ўрганиш ва фазаларнинг тахминий таркибини 
аниқлаш; 
- лойиҳа циклининг асосий босқичлари учун функциялар ва қуйи 
тизимларни кўриб чиқиш. 
Ўрганиш натижаларига кўра тингловчи бир қатор