Лойиҳа матни 67027-(69933)

project.gov.uz
22.10.2022
7
Ўзбекистон Республикаси Бош вазирининг аграр ва озиқ-овқат соҳаларини ривожлантириш
масалалари бўйича ўринбосари Ш.М. Ғаниев белгилансин ва қарор ижросини муҳокама қилиб
бориш, ижро учун масъул ташкилотлар фаолиятини мувофиқлаштириш ҳамда назорат қилиш
унинг зиммасига юклансин.
Ўзбекистон Республикасининг
Бош вазири А. Арипов

---

project.gov.uz
22.10.2022
8
Вазирлар Маҳкамасининг
2022 йил «___» _______даги ___-сон
қарорига
1-ИЛОВА
Қишлоқ хўжалиги, мелиорация ва йўл-қурилиш техникаларини
давлат рўйхатидан ёҳуд қайта рўйхатдан ўтказиш
бўйича давлат хизматини кўрсатишнинг
МАЪМУРИЙ РЕГЛАМЕНТИ
1-боб. Умумий қоидалар
1. Мазкур Регламент жисмоний ва юридик шахсларга (кейинги ўринларда техниканинг
эгаси деб аталади) қишлоқ хўжалиги, мелиорация ва йўл-қурилиш техникаларининг (кейинги
ўринларда техника  деб аталади) давлат рўйхатидан ўтказиш ёҳуд қайта рўйхатдан ўтказиш
бўйича давлат хизматларини кўрсатиш тартибини белгилайди.
2. Мулкчилик шаклидан қатъий назар техникаларни давлат рўйхатидан ёҳуд қайта
рўйхатдан ўтказиш Ўзбекистон Республикаси Вазирлар Маҳкамаси ҳузуридаги Агросаноат
мажмуи устидан назорат қилиш инспекцияси томонидан мазкур Регламентга мувофиқ амалга
«оширилади.
3. Ушбу Регламентда қуйидаги асосий тушунчалардан фойдаланилади:
техниканинг эгаси – техника воситасига мулк ҳуқуқи ёки бошқа ашёвий ҳуқуқлар
асосида эгалик қилувчи юридик ёки жисмоний шахс ;
техник паспорт – мазкур Регламентга 
1-иловада 
белгиланган намунада техникани давлат
рўйхатидан ёҳуд қайта рўйхатдан ўтказишни ҳисобга олиш учун махсус рақамланган ва пластик
шаклда тайёрланган ҳужжат;