Loyiha muallifi mehriniso xudaybergenova qalb gavhari o‘zbekiston ijodkor yoshlar to‘plami

GULZODA BOLIBEKOVA ODIL QIZI 
―Inson Qadrin ulug‘lagan yurt‖, ―Samolarga yetaklagan 
yo‘l‖ hamda ―Qalbimdagi dunyo‖ she‘riy to‘plamlarining 
muallifi. O‘zbek, Turk va ingliz tili antalogiyalari 
ishtirokchisi ―Oltin qanot‖ hamda ―Kelajak EVH‖ning 
volontyori. Qizlar ovozi koordinatori. Ijod namunalari ingliz 
va turk tillariga tarjima qilingan. ―Namaste india‖, ―Kenya 
times‖, ―Raven cage‖ ―Page 3 news‖, ―The Diaspora 
Times‖, ―Kavya kishor‖ kabi halqaro jurnallarda o‘z ijodiy
ishlarini nashr ettirgan. 
ILK SEVGI 
Angladim, qay mahal gul ochilishin, 
Endi sezdim bo‘yin muattarligin. 
Ilk bora eshitdim bulbul xonishin, 
Ko‘rdim, tabiatning musavvirligin. 
Ilk bora ko‘nglimda gulladi chechak, 
Odinga aylandi tun kechalarim. 
Yana ishq haqida to‘qildi ertak, 
Javobsiz savollar sinadi sabrim. 
Bayt, g‘azal quyildi, dilni jo‘shtirib, 
Har to‘rtta tomonda uning surati. 
Ozurda qalbimga ozor qo‘shtirib, 
Tilimni bir chuchuk so‘zda so‘zlatdi. 

---

138 
YONIMGA SEN QACHON KELASAN 
Hayollarim, tortib samoga 
Baxt osmonda, men-la uchasan 
Qalb ko‘zlarim, to‘ldi so‘g‘inchga 
Yonimga sen, qachon kelasan 
Sevgilim deb, erkalab doim 
Oyni menga, vada qilasan 
Sen o‘zingku, falakda oyim 
Yonimga sen, qachon kelasan 
Yuragingning egasi o‘zim 
Senga fido bo‘lsin, bol so‘zim 
Sog‘indimku, ayt qaro ko‘zim
Yonimga sen, qachon kelasan 
Bo‘ldi endi shunchasi yetar 
Kelmasang bu, telba qalb netar 
Seni ko‘rsam, dardlarim ketar 
Yonimga sen, qachon kelasan 
Yonimda bo‘l, mangu bahorim 
Erkalab de, jon-u jahonim 
Qalbimdasan, abad-ul abad
Yonimga sen, qachon kelasan 
Tushlarimda bo‘lding sen, paydo 
Sajam uchun, bo‘lsin jon fido 
Qachon deya, ayladim nido 
Yonimga sen, qachon kelasan 

---

139