M. Dáwletov, Sh. Allaniyazova, D. Seytqasımov, A. Dáwletova

§ 13. Tariyxıy orınlarǵa sayaxat
78-shınıǵıw. Tekstti oqıń. «Tariyxıy orınlarǵa sayaxat» tema-
sına baylanıslı sáwbetlesiń.
Topıraqqala payızlı jerge ornalasqan Qaratawdıń shıǵıs 
qublasına mákan basqan esiginen shıqqanlar jamalına 
názer taslap, shıqqan kúnge shúkirshilik etkenleri seziledi. 
Qabat-qala oǵan qol sozım jerde. Ellikqala bul átiraptıń 
sultanınday qublaraq, sál oylawǵa irge basqan onnan 

---

60
arıda júzlegen shaqırım keńislikte jaylasqan kóp qala-
lar — Gúldirsin, Qırq-qız, Qoyqırılǵan, Jambasqala hám eski 
Aqsha dáryası menen ulasadı.
Batısı áyyemgi Xorezm oypatı mádeniyatınıń orayı bolǵan 
Kát qalası Qaratawǵa jol ashıp beredi. Jerimizdiń keńligin, 
bawırınıń altın tolı ǵáziynege iye ekenligine kóziń jetedi de, 
kókiregińdi kóterip, ishki háwirińdi shıǵarasań. Jer! Ol bizde 
sheksiz. (S.S.)
79-shınıǵıw. Ájiniyaz Qosıbay ulınıń «Bozataw» poemasınan 
úzinidini oqıń hám yadlań.
BOZATAW
(poemadan úzindi)
Sáhár waqta qırlı dúpen atıldı,
Bende bolıp tústim, qolım shatıldı,
Páriydek qız shorı bolıp satıldı,
Kánizlik bashına túshti Bozataw.
Atadan ayrıldı ǵulpaqlı uǵlan,
Satıldı, húr basın áyledi ǵulam,
Kimler Irak ketti, kimler ketti Sham,
Kimseler Kurd, Tegeran astı, Bozataw. 
Kirpigi oq, anıń qashları kaman,
Yuzleri qırmızı, húrshidi taban,
Láyli-Zuleyxaday ne gózzal janan,
Ásir bolıp qolǵa túshti, Bozataw.
Táǵdir alladandur, sebep Qońırattan,
Biyráhim Seyilxan degen elattan,
Ayra túshtiń ashamaylı-qıyattan,
Elatsız, jaylawsız qaldıń, Bozataw.
Jer hám el bilandur, el hám jer bilan,
Jersiz eldiń kúni dárbedár bilan,
Ómir óter júrektegi sher bilan,
Qádiriń seniń búgin ótti, Bozataw.

---

61
Yoq edim, bar boldım, kamala keldim,
Minip árebi atlar, dáwranlar súrdim,
Nanıńdı kóp jedim, ráhátin kórdim,
Xosh aman bol, bizden qaldıń, Bozataw.
Sen baǵ ediń, búlbúl ushtı, zaǵ qaldı,
Pútkil siynem jandı, ishte dárt qaldı,
Qıysıq Porqan ataw seni jaw aldı,
Bası qutlı, sońı wayran, Bozataw.
Ziywarıń xoshlasar qádirińni bilip,
Kózini yashlatıp, baǵrını tilip,
Aman bolsa hal sorasar bir kelip,
Xosh aman bol, bizden qaldıń, Bozataw.
(Ájiniyaz Qosıbay ulı)