M. Dáwletov, Sh. Allaniyazova, D. Seytqasımov, A. Dáwletova

aytıw kerek, jańa qońsı menen tez tanısıp kettik. 
(Á.A.)
187-shınıǵıw. Oqıń. Kiris aǵza hám kiris gáplerdi tawıp, 
olardıń bir-birinen ózgesheligin aytıń.

---

136
Demek, ulımdı jaqsı kóriwge tıyım salmaqshımısań? 
(Á.G.) 2. Solay etip, aradan tórt-bes kún ótti. (T.Q.)
3. Bilemen, usı tilge shorqaqlıǵım ózimnen basqaǵa zıyanın 
tiygizip júrgen joq. (Sh.S.) 4. Múmkin, olarǵa tırnalar 
jerge qonıp atırǵanday kórindi me eken? (Sh.A.) 5. Meniń 
baxtıma, búgin kún de qattı suwıq. (Ó.A.) 6. Ol shabıwılǵa 
baylanıslı biy babamnıń iske asırıwı tiyis oyları bar ma, 
kim bilsin? (T.Q.)
188-shınıǵıw. Oqıń. Qara hárip penen jazılǵan sózlerge dıqqat 
etiń.
1. Shınında, endi bizge júk kóteretuǵın nar kerek edi. 
(Ó.X.) 2. Men, tilekke qarsı, ózimniń súyikli joldasım 
menen xoshlasa almadım. 3. Yapırmay, usı kiyatırǵan 
Jáhángir aǵa emes pe eken? Júris-turısı sol ǵoy, shaması.
4. Durısın aytsam, súwretimdi kúnde sorap, mazamdı alıp 
júr. (Ó.A.) 5. Jigirma aw qansha balıq uslaydı, ózińiz
bilesiz. (K.S.)
189-shınıǵıw. Oqıń. Kiris aǵza hám kiris gáplerdi tawıp, 
olardıń intonaciyalıq ózgesheligin túsindiriń.
1. Tuwrı, onıń aytqanı biraz haqıyqatlıqqa keledi. (T.Q.) 
2. Men aytsam, ayırım adamlardıń tańlanıwı itimal. (Ó.X.) 
3. Qaydan shıqsa sonnan shıqsın, gápimdi qızıq qılıw ushın 
qasımnan da qosıp-qosıp jiberdim. (Sh.S.) 4. Sóz joq, 
onnan keshirim sorawǵa tiyisliseń. (Á.G.) 5. Tıń jerlerdi ná-
zerde tutatuǵın bolsaq, eń tiykarǵısı sonnan ibarat, bunda 
eń áhmiyetli wazıypanı alǵa qoydı. («E.Q.») 6. Bul, álbette, 
jaqsı qásiyet. (Ó.X.)
190-shınıǵıw. Kiris aǵza hám kiris gáplerdi tiyisli irkilis bel-
gilerin qoyıp, kóshirip jazıń. Kiris aǵzalardıń bildiriliwin aytıń.
1. Meniń baxtıma búgin kún qattı suwıttı. (Ó.A.)
2. Menińshe Marat Izimbetovqa biziń házilimiz unamasa 
kerek. 3. Aqırı jiptiń basın uslay almaǵanın kórgen ákesi 
baqırıp, násiyatın aytıp óziniń qasına aldı. 4. Birinshiden 

---

137
ol Ústirtke birneshe ret keldi. Ekinshiden jatqan quwdaladan 
qanday qurılıs materialı shıǵadı degen oyda da boldı. (S.S.) 
5. Máni ańlatpaytuǵın meniń bul xabarıma álbette ózimnen 
basqa heshkimniń túsiniwi múmkin emes. (Q.D.) 6. Sol 
aytqanday ıssınıń ózi de bıyılǵı jılı jańa baslandı ǵoy. (G.I.) 
7. Ulım sen aytqanday bizge diyqan ata bolıw qayda. (Ó.X.) 
191-shınıǵıw. Qaratpa hám kiris aǵzalardıń irkilis belgilerin 
qoyıp kóshirip jazıń. Qaratpalardıń astın bir, kiris aǵzanıń astın 
eki sızıń.
Haqıyqatında da sol saparı kóp sóyledi. Bul tawsılmas 
ǵáziyneniń mákanı áyyemgi tariyxlarda bálkim, «Bostan» 
atalǵan shıǵar.
— Háy bárekella áne azamattıń sózi, — dedi dasturxan 
ústinde otırǵanlardıń jası úlkenlew birewi.
— Kásibiń bizge kerek jigit ekenseń, Sharapat inim. Biz 
ózimiz elmiz ǵoy, Temirbay aǵa.
— Qálender aǵa shegara biziki. — Balalarım jigitler basla-
ǵan tırnaqlarıń máńgilik bolsın. Tilekke qarsı qar da jawın 
da bolmadı. Óziń bileseń sen meniń aytqanımdı qılmay bul 
jerde qalıp qoydıń. (S.S.)
192-shınıǵıw. Tómendegi berilgen modal mánili sózlerdi kelti-
rip, yadıńızdan yamasa kórkem shıǵarmalardan gáp dúziń. Gá-
pińizde kiris aǵzalardıń hár túrli orınlarda keliwin esapqa alıń.