M. Dáwletov, Sh. Allaniyazova, D. Seytqasımov, A. Dáwletova

kóp kúttik. Onıń túri azıraq ózgergen. Olar az waqıt 
únsiz otırdı. Olar ele úsh jıl oqıydı. Men alǵa qaray 
tórt-bes qádem júrdim. (J.S.) Bir jıldıń ishinde paxta 
atızınıń zúrááti 3,2 centner kóbeydi. («E.Q.»)
104-shınıǵıw. Oqıń. Muǵdar dáreje pısıqlawıshlardı tawıp, 
olardıń qanday sóz shaqabı arqalı bildirilgenin hám ózi qatnaslı 
sózge baylanıslı qanday sorawlarǵa juwap beretuǵınlıǵın túsindiriń.
1. Paroxod stanciyada az irkildi. (A.B.) 2. Bizler posyol-
kadan 18 kilometrdey alıslap kettik. (S.S.) 3. Ol Ústirtke 
birneshe ret keldi. (J.S.) 4. Biz jún tapsırıwdı da keminde 
eki ese arttıramız. (X.S.) 5. Ol jetpis metrdey kelip qaldı. 
(N.D.) 6. Ol hár sıyırdan kúnine 10—12 litrden sút sawıp 
aladı. («E.Q.») 7. Jerdegi balshıq ayaǵıńdı jerden tórt eli 
kótertpeydi.
105-shınıǵıw. Úyge tapsırma. Berilgen gáplerdegi kóp noqattıń 
ornına tiyisli sózlerin tawıp gáplerdi kóshirip jazıń. Olardıń 
qanday sóz shaqapları arqalı bildirilgenin hám sorawların aytıń.
1. Aǵash kesseń ... kes, temir kesseń ... kes. (naqıl).
2. Ómir adamǵa ... beriledi. 3. Qara suw ... aparadı 
(naqıl). 4. Aradaǵı tım-tırıslıq ... sozıldı. 5. Kún ... juwsa, 
terek ... jasawdı (naqıl). 6. Batır jigit ... óledi, qorqaq ... 
óledi (naqıl). 7. Qorqaqtı ... quwsań, batır boladı (naqıl).
§ 19. Xalıq maqtanıshı
106-shınıǵıw. Tekstti oqıń. Mazmunın aytıp beriń.
Biziń ájayıp xalqımız óziniń jaqsı pazıyletleri, insanıylıq 
jaqsı xızmetleri, dóretiwshilik isleri, alımlıǵı menen dúnyaǵa 
belgili insanlardı jetistirgen. Olar xalıq ushın ájayıp islerdi 
islegenlikten, Prezidentimiz «Ózbekstan Qaharmanı» degen 
ullı ataqqa múnásip kórip bahalaǵan. Olardan Onesiya 

---

81
Saytova — balalar shıpakeri, akusher-ginekolog, ekologiyalıq 
qıyın shárayatta jasap atırǵan xalqımızdıń nárestelerin 
dúnyaǵa keltirip, ana ham balanıń ómirin saqlap qalıwda 
elege shekem miynet etpekte. Tólepbergen Qayıpbergenov 
hám Ibrayım Yusupov — ádebiyatımızdıń «qos bayteregi», 
ólmes shıǵarmaları menen xalqımızdı jarqın keleshek ushın 
sharshamastan miynet etiwge ruwxıy azıq baǵıshlaydı. 
Aǵıtay Ádilov hám Sársenbay Seytnazarov — diyqan hám 
fermerler, xalqımızdıń miynetkeshliginiń, ázelden diyqanshılıq 
hám sharwashılıq penen shuǵıllanıp, tabıslarǵa erisken zá-
berdes 
xalıq 
ekenligin 
dálillegen 
azamatlar. 
Allaniyaz 
Óteniyazov — haqıyqıy adamgershiliktiń, insanıylıqtıń, kámil 
insannıń tımsalı. Ol óz ómiri dawamında jalǵız baslı, 
qartayǵan, qáwenderi joq adamlarǵa, kempir-ǵarrılarǵa óziniń 
mańlay teri, qara miyneti menen biypul 40 tan aslam jay 
salıp bergen. Ol kisini tek bizde emes, al pútkil dúnya 
júzi boyınsha tanıydı. Ǵayratdin Xojaniyazov — respublikamız 
alımlarınıń «iyne menen qudıq qazıwday» mashaqatlı miy-
netleriniń, tariyxımızdı anıqlawday awır jumıslardıń bahalı 
ekenliginiń ayqın kórinisi.
«Ózbekstan Qaharmanları» bizlerdi ele de jaslıq jiger 
menen oqıwǵa, bilim alıwǵa, miynet etiwge sharlaydı. Bizler 
olar menen maqtanamız hám solarday xalıq maqtanıshları 
bolıwǵa tırısamız.