M. Dáwletov, Sh. Allaniyazova, D. Seytqasımov, A. Dáwletova

ne qılǵanına qaramastan? t.b. sorawlarǵa juwap beredi.
Qarsılas pısıqlawısh tómendegi sóz hám sóz dizbek-
lerinen boladı:
1. Shárt meyilge da/de janapayınıń dizbeklesiwinen 
boladı. Mısalı: Ol jatsa da (ne qılsa da?) uyqılay 
almadı. (Ó.A.) Ol ketse de (ne qılsa da?) uzaq tura 
almadı. (Ó.A.)
2. Hal feyil hám hal feyildiń basqarıwındaǵı sóz-
lerdiń dizbeginen boladı. Mısalı: Ol esitip turıp 
úndemedi. (G.I.) Ol bile tura aytpadı. Ol bir aydan 
beri usı shańaraqtıń muǵallimi bola turıp, kempir ǵarrı 
arasındaǵı jánjeldi túsinbegenine ókindi. (T.Q.)
3. -ǵan/-gen qosımtalı kelbetlik feyil hám kelbetlik 
feyilli toplamlarǵa tirkewish hám janapaylıq xızmettegi 
kómekshi sózlerdiń dizbeklesiwinen boladı. Mısalı: Ol 
kózin ashqan menen dógeregin ońlap kóre almadı. Olar 
kóp bolǵanına qaramay tım-tıraqay qashtı. (Á.T.) Jayıń 
menen islegenińde de seni quwıp jibere almaydı. (T.Q.)
119-shınıǵıw. Oqıń. Qarsılas pısıqlawıshlardı tawıp, olardıń 
bildiriliwin hám bayanlawıshqa qatnaslı sorawların ànıqlàń.
1. Atıń shappasa da shulǵısın. (naqıl.) 2. Ol quwǵan 
menen jete almadı. 3. Artıqtıń anası balasınıń izinen 
kórinbey ketse de qarap turdı. (T.Q.) 4. Atamurat jatqan 
menen uyqılay almadı. (T.Q.) 5. Ol óziniń jaslıǵına qara-
may, Atamuratqa is buyırıp ta qoyar edi. 6. Jumagúldiń 
qarsılıǵına qaramastan, eki jigit Sánemdi kóterip arbaǵa 
mingizdi. (T.Q.) 7. Ol ıńırsıǵanı bolmasa awırıwın sezdir-
medi. (A.Á.) 8. Sen ata-anańnıń haqqına din jaǵınan ámel 
qılmasań da, aqıl-múriwbet adamgershilik kózqarastan ámel 
qıl. 9. Dúnya malsızlıqtan jarlı bolsań da, aqılǵa bay 
bolıwǵa háreket qıl. (Qabısnama) 10. Men bolsam oyındı 
taslap ketkim kelmey, onıń aytqanına kónbey atırman. 
(Sh.A.) 

---

92