M. Dáwletov, Sh. Allaniyazova, D. Seytqasımov, A. Dáwletova

bileseń, seniń jumıslarıń menen burınnan tanıspan. 
(K.M.) Bilmedim, ózińiz xabarlasıp bilersiz. (T.Q.)
Kiris gápler qurılısı jaǵınan keńeyip, óz bayan-
lawıshına iye boladı. Olar tiykarǵı gápten intonaciya 
arqalı bólinip aytıladı. Mısalı: Írasın aytsam, men 
sonday bir ilimge uqıbı bar jigitti izlep júrgen edim. 
(K.M.)
179-shınıǵıw. Berilgen gáplerdi óz ana tilińizge awdarıp jazıń. 
Kiris gáplerdiń astın sızıń hám mánilerin aytıń.
1. Haqıyqatında, men bul haqıyqatlıqtı, kórgen-bilgen-
lerimdi qosımtasız, qorqa-qorqa aytıp otırman. (G.E.)
2. Joq, álbette, aytqanlarıńızdı orınlayman. 3. Tilekke qarsı, 
ol búgin de kelmey qaldı. (G.E.) 4. Álbette, hámme jigit 
onday emes ǵoy. 5. Meyli, qızım, seniń-aq aytqanıń bolsın. 
(G.E.) 6. Demek, bul seniń qatarǵa qosılǵanıń bolsın. (G.E.)
180-shınıǵıw. Tilekke qarsı, mısalı, qoyshı, haqıyqatında,
durısın aytıw kerek, ózim bilemen degen kiris aǵzalarǵa awızeki 
gáp dúziń hám túsindirip beriń.
Kiris aǵza hám kiris gápler gáptiń basında kelse 
eki jaǵınan, sońında kelse aldınan útir qoyıladı. 
Mısalı: Aqırı, Ismayıl shıdamadı. (K.M.) Buǵan, ál-
bette, maqtana alaman. (Ó.X.) 20 aw qansha balıq tu-
tadı, ózińiz bilesiz. (K.S.)
181-shınıǵıw. Kiris aǵza hám kiris gáplerge tiyisli irkilis bel-
gilerin qoyıp kóshirip jazıń. Kiris aǵzalardıń qanday sóz sha-
qabınan bolǵanın aytıń.
1. Ásirese saqalları menen kózleriniń usaslıǵı, bir ustanıń 
qolınan shıqqanday bir reńles. (K.S.) 2. Shınında da Sánem 
óz sózinde turıp aldı. (A.Á.) 3. Mine kesheden berli ol 
naǵız bala boldı. (T.Q.)

---

132
§ 31. Milletler arasındaǵı tatıwlıq
182-shınıǵıw. Tekstti oqıń. «Milletler arasındaǵı tatıwlıq» 
temasına baylanıslı sáwbetlesiń.
Ózbekstan Respublikasında júzden aslam millet wákilleri 
tınısh hám tatıw turmısta jasap atır. Hárbir millet óziniń 
milliy úrp-ádet, dástúrlerine iye. Qáysı tilde qarım-qatnas 
jasaw, oqıw hárkimniń óz erkinde. Olar ózleriniń milliy 
mádeniy oraylarına iye. Qaraqalpaqstan Respublikasında da 
birneshe milletler jasaydı. Mekteplerde oqıw qaraqalpaq, 
ózbek, rus, qazaq, túrkmen tillerinde alıp barıladı.