M. G. Safin, Y. S. Ruziyev, B. S. Aliqulov biologik faol va dorivor moddalar biotexnologiyasi

Boverin – zamburug‘larning hayotiy faoliyati asosida olinadigan
entomapatogen preparat turi. 
Elektroforez – elektr maydoniga joylashtirilgan maxsus gel ichida 
molekulalarni o‘rta qismidan kattaligiga ko‘ra bir-biridan ajratish uslubi. 
Endonukleaza – DNK zanjirlarini kesuvchi fermentlar (restrikta-
zalar). 
Entobakterin – bakteriyalarning hayotiy faoliyati asosida olina-
digan entomapatogen preparat turi.
Fag – bakteriofag so‘zining qisqartmasi. 
Fermentlar – organizmda boradigan hayotiy jarayonlarni kataliz-
laydigan oqsil tabiatli yuqori molekulyar organik birikmalar. 
Fermentyor – laboratoriyada yoki sanoat miqyosida mikroorga-
nizmlar yoki yuksak organizmlar hujayralarini o‘stirish uchun xizmat 
qiladigan maxsus asbob. 
Fitobakteriomitsin – zamburug‘larning hayotiy faoliyati asosida 
olinadigan, streptotritsin guruhiga mansub bo‘lgan antibiotik modda. 

---

166 
Fosfobakterin – bakteriyalarning hayotiy faoliyati asosida oli-
nadigan bakterial o‘git turi. 
Gen – polipeptid zanjiri sinteziga javobgar bo‘lgan DNK bo‘lagi.
Genetik injeneriya – gen yoki genlar yig‘indisining maqsadga
muvofiq o‘zgartirilishi asosida mahsulotlar ishlab chiqarish. 
Genlarni klonlash – ko‘zlangan DNK bo‘lagini vektorlar vosita-
sida ko‘paytirish. 
Gibridoma – limfosit yoki har qanday normal hujayra bilan rak 
hujayrasining qo‘shilishi natijasida hosil qilingan, tez bo‘linuvchi dura-
gay hujayralar to‘plami. 
Gigromitsin – zamburug‘larning hayotiy faoliyati asosida ishlab 
chiqariladigan antibiotik modda. 
Grizin – zamburug‘lar asosida olinadigan streptotritsinlar guruhiga 
kiruvchi antibiotik. 
Immunitet – organizmning virus va mikroblardan iborat bo‘lgan 
infeksion manbalar, shuningdek noinfeksion tabiatli qator organik 
moddalarga nisbatan chidamliligi.