Махсус таълим вазирлиги самарқанд иқтисодиёт ва сервис институти

У_фф = F + М_фд - М_фх ;
Ҳозирги пайтда ҳар бир корхонада, бир ҳисобот даврида бир марта содир бўладиган фавқулотда фойда ёки зарар содир бўлиши мумкин. “Фавқулодда фойда ва зарарлар” моддаси ҳисоботнинг 230-сатрида кўрсатилади. Бунда фавқулодда воқеалар натижалари кўрсатилади. Мазкур сумма “Фавқулодда фойдалар” 9710-ҳисобварағида олиб борилади. Шунингдек, “Фавқулодда зарарлар” 9720-ҳисобварағида ифода этилади. Ҳисоботда буларнинг маълумотлари битта қаторда “Фавқулотда фойда ва зарарлар” 230-сатрда (Ф_фз) ифодаланади. Фойда бўлса қўшилади, зарар бўлса соф фойдани аниқлашда ушбу сумма чегириб ташланади.


8.9. "Фойда солиғини тўлашга қадар фойда (зарар)"
Молиявий натижаларни ифодаловчи муҳим кўрсаткичлардан бири, "Фойда солиғини тўлашга қадар фойда (зарар)" (Ф_сс) кўрсаткичи бўлиб ҳисобланади. Мазкур модда ҳисоботнинг 240-сатрида ифодаланади. Ушбу кўрсаткични аниқлаш учун 220 сатрдаги суммага (У_фф) +/- белгисини ҳисобга олган ҳолда 230-сатрдаги суммани қўшиш ёки олиш йўли билан ҳисобланади. Бу қуйдаги формула билан аниқланади:
Ф_сс = У_фф ± Ф_фз ;
Мазкур суммадан фойда солиғи олиб ташланади. "Фойда солиғи" (Ф_с) ҳисоботнинг 250-сатрида ифодаланади. Мазкур кўрсаткич ҳисобот даври бошидан ҳисоблаб ёзилган "Фойда солиғи бўйича харажатлар" 9810 -ҳисобварағида ҳисобга олиб борилади. Шунингдек, мазкур суммадан бошқа солиқлар ва мажбурий тўловлар ҳам айрилади. "Бошқа солиқлар ва бошқа мажбурий тўловлар" (С_мт) ҳисоботнинг 260-сатрида кўрсатилади. Бу кўрсаткич ҳам йил бошидан ҳисоблаб ёзилган, қонун ҳужжатларига мувофиқ ташкилот фойдаси ҳисобидан тўланаётган солиқлар ва бошқа мажбурий тўловлар суммаси акс эттирилади.
Амалдаги қонун ҳужжатларига мувофиқ солиқ солишнинг махсус тартиби назарда тутилган корхоналар учун 260-сатр бўйича ҳисоблаб ёзилган ягона солиқ тўлови, ягона ер солиғи, тадбиркорлик фаолиятининг айрим турлари бўйича қатъий белгиланган солиқ суммасини акс эттирадилар. Ушбу кўрсаткичлар бўйича тегишли суммалар аниқлангач “Ҳисобот даврининг соф фойдаси (зарари)” (С_ф) аниқланади. Ушбу модда ҳисоботнинг 270-сатрида кўрсатилади. Бу ҳисобот даврининг пировард молиявий натижаси бўлиб кўрсатилади. Буни аниқлаш учун 240-250-260-сатрлар айирмаси сифатида белгиланган ёки қуйидаги формуладан фойдаланиш мумкин: