Maktab binosi, jihozlari va obodonligiga bo‘lgan gigiyenik talablar

Qishloq xo‘jalik sharoitida ishlab chiqarish tajribasini o‘tash davrida o‘quvchilarning taxminiy kun tartibi

	Kun tartibi elemeitlari	Soat
1	Uyqudan uyg‘onish	5^45
2	ertalabki gimnastika, yuvinish, nonushta	5^45— 6^30
3	Ishlab chiqarish mehnati	6^30— 11^30
4	Quyosh nuridan foydalanish, yuvinish, cho‘milish	11^30-12^30
5	Tushki ovqat	12^30-13^30
6	Kunduzgi dam olish	13^30-15^00
7	Bo‘sh vaqt (tanlagan mashg‘ulotlar bilan shug‘ullanish)	15^00-16^30
8	Ishlab chiqarish mehnati	16^30-19^00
9	Yuvinish, kiyinish	19^00-19^30
1010	Kechki ovqat	19^30-20^30
1111	Tarbiyaviy mashg‘ulotlar	20^30-21^00
	O‘zi tanlagan mashg‘ulotlar bilan shug‘ullanish	21^00-21^30
12	Uyqu	21^30-5^45

O‘z-o‘ziga xizmat qilish gigiyenasi. Sinf xonasi, kutubxona, maktab binosi va yer uchastkasini saqlash, gul, va daraxt kuchatlarini parvarish qilish, o‘quv qurollari, buyumlarini ta’mirlash kabi tadbirlarni bajarish, o‘quvchilar­ning o‘z-o‘ziga xizmat qilish doirasidagi ishlar sirasiga kiradi. Inter­nat maktablarida esa, yuqori sinf o‘quvchilari yotoqxonani tozalash, kiyim-kechaklarni yuvish, yamash, oshpaz yordamida ovqat tayyorlash va tarqatish kabi yumushlarni ham bajaradilar. Bolalar va o‘smirlarning sog‘lig‘i, o‘sish va rivojlanishi normal bo‘lishi uchun o‘z-o‘ziga xizmat qilish ishlari ularning sog‘lig‘i va yoshini hisobga olgan holda tashkil qilinmog‘i lozim.
Kasalmand, jismoniy rivojlanishi kuchsiz o‘quvchilar o‘z-o‘ziga xizmat ishidan ozod qilinadilar. Sinf polini yuvish ishiga o‘quvchilar asosan 6- sinfdan keyin jalb qilinadilar. Bu ishlarni bajarishda o‘quvchilar maxsus xalat, fartuk kiyishlari kerak.
O‘quvchilarda me’da va ichaklar kasalliklarini oldini olish maqsadida ularga xo‘jalik binolarini, axlat to‘kiladigan buyum va joylarni tozalatish man qilinadi.
Hayot uchun xavfli bo‘lgan ishlar, masalan, bino tomidagi qorni kurash, deraza oynalarini artish, elektr lampalarini, gaz pechkalarini tozalash, og‘ir buyumlarni ko‘tarish kabi ishlarga o‘quvchilarni jalb qilish qat’iyan ta’qiqlanadi.