Maktab yoshidagi bolalar jismoniy tarbiyasi uslubiy
IV BOB. USLUBIY TAMOYILLAR VA ULARNI
Download 0.54 Mb. Pdf ko'rish
|
maktab yoshidagi bolalar jismoniy tar
|
IV BOB. USLUBIY TAMOYILLAR VA ULARNI
JISMONIY TARBIYA JARAYONIGA KIRITISH YO‘LLARI 4.1. Onglilik va faollik tamoyili Jismoniy tarbiya jarayoni – bu ikki tomonlama jarayondir, unda bir tomondan, o‘rgatishga intiluvchi o‘qituvchi, boshqa tomondan o‘rganish xohishini namoyon qilishi kerak bo‘lgan o‘quvchi ishtirok etadi. Tajriba ko‘rsatadiki, agar o‘quvchilar o‘z yoshlariga qo‘yilgan vazifaning mohiyati va uni yechishdan manfaatdorligini tushunsa, u holda bu o‘rgatishning borishini jadallashtiradi. Bu qonuniyat onglilik va faollik tamoyili asosida yotadi. Uslubiy adabiyotlarda onglilik va faollik tamoyillari mustaqil tamoyil sifatida ajratilishini uchratish mumkin. Amaliyotda anglashilgan va faollik jarayonlari shunchalik bir-birini taqozo qiladiki, ularni bir-biridan ajratish mumkin emas. Chunki anglash shaxsning faol ishtirokisiz bo‘lmaydi. To‘g‘ri, birinchi paytlarda faollikni, talabchanlikni baholash, maqtash bilan rag‘batlantirish mumkin, u ongga asoslanadi. Faollashtirish deyilganda sifatlarni tarbiyalash va vazifalarni o‘rgatishga erishishga yo‘naltirilgan, shug‘ullanuvchilarning jismoniy kuchi va irodasi axloqiy, intellektual sifatlarini tarbiyalashda o‘quvchini safarbar qilish tushuniladi. Ammo mavjud qonuniyat hali o‘quvchilarni ongli va faol qilmaydi, bunda o‘qituvchining xizmatidan foydalaniladi. Jismoniy mashq mashg‘ulotlari jarayonida o‘quvchilarni faollashtirishning aniq yo‘llarini qarab chiqamiz. |
