Ma’ruza ingliz-amerika geosiyosiy maktabi reja

Тэйлор Мэҳэн (1840-1914) ҳақли равишда инглиз-саксон классик геосиёсати 
Америка йўналишининг асосий яратувчилари-дан бири ҳисобланади. Мэҳэн 
фақат америка ва атлантика геосиёсатигина эмас, балки жаҳон геосиёсати 
назариялари, айниқса ҳарбий-стратегик концепциялар ривожига ва 
чуқурлашишига энг салмоқли ҳисса қўшган геостратеглардан биридир.

---

Геосиёсий адабиётларда “Денгиз ҳукмронлиги” (талассократия) 
назарий концепциясининг асосчиси сифатида танилган Мэҳэн 1890 йилда 
ўзининг энг катта “Денгиз қудратининг тарихга таъсири” номли асарини чоп 
эттирди. Мэҳэн бу асарида жаҳонда мавжуд бўлган қуруқлик ва денгиз 
империяларининг тарихдаги ролини кенг тадқиқ қилди ва барча 
параметрларга кўра денгиз давлатлари табиатан қуруқликдаги давлатлардан 
устундир, деган хулосага келди
5
. 
Бундан ташқари у “Осиёнинг муаммоси ва унинг халқаро сиёсатга 
таъсири” (1900) номли китоб ва ҳарбий-сиёсий, ҳарбий-денгиз масалаларига 
бағишланган кўпдан-кўп мақолалар муаллифидир. 
Мэҳэн “соҳилбўйи миллатлари” атамасини илмий истилоҳга киритди. У 
ёздики, сиёсат инсонларнинг ғайрат-шижоати ва руҳий баркамоллигига 
боғлиқ ҳолда мамлакатни бошқарган ҳукмдорларнинг характери ва ташаббуси 
билан ўзгаради, лекин соҳилбўйи халқларининг тарихи ҳукуматларнинг 
уддабуронлиги ва тадбиркорлигидан кўра жойлашув шартлари, соҳил 
чизиғининг қулайлиги ва узунлиги, халқнинг сони ва характери, янада 
тўғрироғи табиий омилларга кўра белгиланади. 
Мэҳэн жаҳон макони тузилмасида 30 ва 40-параллеллар орасида 
жойлашган “ихтилоф зонаси”ни ажратиб кўрсатган. Унинг фикрига кўра, бу 
ҳудудда конкрет сиёсатчиларнинг иродасидан қатъий назар, океан 
кенгликларини назорат этувчи денгиз мамлакатлари (АҚШ ва Англия)нинг ва 
Евроосий қитъаси марказида жойлашган қуруқлик давлатлари (Россия, 
Германия ва бошқалар)нинг манфаатлари муқаррар суратда тўқнашаб туради. 
Мэҳэннинг айтишича, бундай зиддиятда ғолиб чиқиш учун денгиз империяси 
қитъа давлатини имкон борича Евроосиё қаърига улоқтириб ташлаши, 
“соҳилбўйи халқлари” устидан назоратни қўлга киритиши ва ўзининг 
геосиёсий рақибини Евроосиё қитъаси соҳили бўйлаб жойлаштирилган ўз 
ҳарбий-денгиз базалари билан қуршаб олиши даркор.
Айтиш мумкинки, Мэҳэн XIX – XX аср бошларида “Денгиз кучининг 
Француз инқилоби ва Империясига таъсири”, “Американинг ҳозирги даврда ва 
келажакда денгиз кучидан манфаатдорлиги”, “Денгиз кучи ва унинг урушга 
муносабати” 
асарларида 
“Денгиз 
ҳукмронлиги” 
(талассократия) 
мафкурасини ва уни амалга оширган амалиётчи сиёсатчиларнинг фаолият 
дастурини ишлаб чиқди. 
Мэҳэн “Денгиз кучининг тарихга таъсири” асарида “денгизга эга 
бўлиш, уни назоратда тутиш ва ундан самарали фойдаланиш ҳозирда ва 
ҳамиша жаҳон тарихида буюк омил бўлган” деб ёзган. У римликларнинг 
денгизда ҳукмронлиги Ганнибални Галлия орқали узоқ ва таҳликали юриш 
этишга мажбур қилди. Бу юришда у ўз қўшинининг ярмидан кўпини йўқотди, 
деб қайд қилган эди. 
Мэҳэн кишилар турмушида денгиз қандай роль ўйнаганини ҳам тадқиқ 
қилди. Унинг фикрича, тижорат учун ҳам, кемалар воситасида уруш қилиш 
5
Мэҳэн А.Т. Влияние морской силы на историю: 1660-1783. М., 1941; Геополитика. Антология. М., 2006, 
с.221-243. 

---

учун ҳам, мустамлакаларни қўлга киритиш ва сақлаб қолиш учун ҳам денгиз 
энг қулай воситадир. 
Мустамлакачилик, денгиз коммуникацияларини қўлга киритиш ва 
ташқи савдони монополия қилишга интилган давлатларнинг мана шу каби 
ҳаракатлари уруш келтириб чиқарган. Шунинг учун ҳам денгиз кучи тарихи 
маълум маънода ҳарбий тарихдир. 
Муаллиф қайд қиладики, денгиз йўли орқали саёҳат ва молларни ташиш 
қуруқликдагига нисбатан ҳар доим осон ва арзон бўлган. Олимнинг фикрича, 
бу денгизнинг асосий афзаллигидир. Лекин денгиз тижорати, айниқса, 
урушлар вақтида ҳарбий флот ҳимоясига муҳтождир. Мана шундан келиб 
чиққан ҳолда олим тижоратнинг жонланиши билан ҳарбий флотнинг 
ривожланиши бир-бирига тўғридан-тўғри боғлиқ эканини қайд қилган ва 
ёзганки, “Миллат ўзининг ҳарбий ва савдо кемаларини мамлакати 
соҳилларидан узоққа юборадиган бўлса, у ҳолда у ўша минтақаларда таянч 
минтақаларга эга бўлиши лозим. Кемалар тижорат амалиётлари вақтида озиқ-
овқат ва бошқа заҳираларини сақлаш ва таҳликалардан ҳимояланиш учун бу 
минтақалардан фойдалана олади ва лозим бўлган чоғларда уларга (ҳарбий 
базаларга) суяна олади”
6
. Мэҳэннинг фикрича, соҳилбўйи миллатлари 
сиёсатининг мақсадларини қуйидаги уч омилдан изламоқ керак:
- маҳсулот ишлаб чиқариш ва уларни айрибошлаш зарурияти;
- бу айрибошлашни амалга ошириш учун кемачиликни ривожлантириш; 
- мустамлакаларни қўлга киритиш мақсадида кемачилик амалиётини 
кенгайтириш ва кема бандаргоҳларининг хавфсизлигини таъминлаш.
Миллатларнинг денгиз кучига таъсир кўрсатувчи асосий шартларни 
Мэҳэн қуйидагилардан иборат деб билган: 
- географик ҳолати;
- физик-географик шароитлар (табиий бойликлар ва иқлим); 
- ҳудуднинг катта-кичиклиги; 
- аҳоли сони ва халқнинг характери; 
- ҳукуматнинг сиёсати ва миллий бошқарувнинг хусусиятлари. 
Мэҳэннинг мамлакатлар аҳолисининг миллий характерини қандай 
таҳлил қилгани ҳам катта қизиқиш уйғотади. Олимнинг фикрига қараганда, 
ҳукуматнинг характери – зиёлилар иродасининг кишилар ҳаётига таъсиридан 
иборатдир. Денгиз кучининг ривожланиши бошқарувчиларнинг донолигига, 
кишилар (халқлар)нинг ғайрат-шижоати ва қатъиятига, ҳукуматнинг 
иродасига боғлиқ. Ҳар бир раҳбар биринчи навбатда ўз халқининг 
қобилиятларини, табиий майлларини ҳисобга олиши ва уларнинг 
ривожланишига кўмаклашиши лозим. 
“Американинг денгиз кучидан манфаатдорлиги” китобида ва бошқа 
кўпдан-кўп асарларида Мэҳэн геосиёсатнинг амалий фан экани ғоясини ўрта 
қўйди ва у давлат раҳбарларига амалий тавсиялар бериши лозимлигини қайд 
қилди. Ҳатто унинг ўзи АҚШнинг жаҳоний давлат даражасига кўтарилиши 
6
Мэҳэн А. Ўша асар, 33-37-бетлар. 

---

учун “Амалий таклифлар пакети”ни тайёрлаган ва амалий тавсияларни ўртага 
қўйган. 
Мэҳэн АҚШнинг: 
- денгиз давлати бўлган Буюк Британия билан фаол ҳамкорлик 
қилишини; 
- немисларнинг денгиз даъволарига қарши чиқишни; 
- Тинч океанида Япониянинг устунлигига чек қўйишни; 
- Осиё халқларига қарши курашда европаликларнинг тарафдори 
бўлишини тавсия қилган. 
Мэҳэннинг фикрича, АҚШнинг келажаги бирлашган Америка қитъасига 
суяниб, жаҳонда иқтисодий, стратегик ва ҳатто мафкуравий муносабатларда 
етакчи мавқе эгаллашига боғлиқ, шундан сўнгра у жаҳонга ҳукмронлик қила 
олади. Мэҳэн бунга эришиш мумкин деб ўйлаган. Бунинг учун эса биринчи 
навбатда Евроосиёнинг қитъа давлатлари бўлган Россия ва Хитойни, ундан 
кейин Германияни орадан кўтариб ташлаш даркор. 
Бундай мураккаб вазифани ҳал қилиш учун у Евроосиёга нисбатан 
“анаконда” стратегиясини мунтазам суратда қўллашни таклиф қилган. Шуни 
қайд қилиш керакки, Мэҳэннинг “анаконда” стратегиясини
7
1 муваффақиятли 
қўллаш учун мана юз йилдан кўпроқ вақт мобайнида АҚШ, Буюк Британия, 
Германия, Япония томонидан Россия ва Хитойга қарши алоҳида геостратегик 
кураш олиб борилмоқда. 
Биринчи Жаҳон уруши вақтида “анаконда” стратегияси Антантани 
қўллаб-қувватлаш учун ишлатилган, Иккинчи Жаҳон урушида бўлса, 
“анаконда” “Марказий Европа”, СССР, шунингдек Японияни “бўғган”. Бироқ 
бу стратегия “совуқ уруш” даврида СССР, Куба ва Варшава Шартномаси 
мамлакатларига қарши энг кучли тарзда қўлланилган. 
Бутун ХХ аср мобайнида, айниқса, 1970-1980 йилларда СССР билан 
зиддият улкан миқёсларга кўтарилган бир вақтда америкаликлар Мэҳэн 
томонидан тайёрланган геостратегик ҳаракат дастурини амалга ошириб, ўз 
ҳарбий-денгиз кучларини мунтазам суратда кучайтириб бордилар ва барча 
масалаларда СССР устидан ҳарбий устунликка эришдилар. Уларнинг ғалабаси 
пировардида СССР ва бутун социалистик лагернинг қулашига олиб келди, 
АҚШ сайёранинг ягона ва энг кучли ҳарбий-сиёсий ва денгиз давлатига 
айланди. 
Америкалик олим, халқаро муносабатлар бўйича профессор Николас