Masharipova barno erkin qizi

I bap boyınsha juwmaqlar
Bolajaq tárbiyashı-pedagoglar kásiplik motivaciyasınıń qáliplesiwi hám de keleshekte pedagogikalıq xızmetlerin shólkemlestiriwde olardıń tárbiyashılıq kásibi haqqındaǵı qıyalların rawajlandırıwdıń zárúrligi boyınsha ilimpazlardıń qarasları, milliy hám shet el tájiriybeler analizi boyınsha tómendegi juwmaqlarǵa kelindi:
1. Bolajaq tárbiyashı-pedagoglarda kásiplik motivaciyanıń qáliplesiwinde motiv hám mútajliklerdi inabatqa alıw, mútajlik túrlerin qandırıw hám oqıw iskerligin ámelge asırıwda studentlerdiń individual hám psixikalıq jaǵdayın itibarǵa alıw zárúrli. Studentlerdegi psixologiyalıq turaqlılıqtı quram taptırıwda professor-oqıtıwshılardıń itibarı, olardıń jeke úlgisi, pedagogikalıq uqıbı, bilimi, qábileti bólek áhmiyetke iye.
2. Bolajaq tárbiyashı-pedagoglar kásiplik iskerlikti ámelge asırıwda motivaciya elementleri retinde tálim procesi hám nátiyjelerinen kewli tolıw, oqıw iskerliginde ózin payda etiw múmkinshiligi, kásiplik qızıǵıwshılıǵı hám qádiriyatlarınıń óz-ara baylanıslılıǵı, ruwxıy rawajlanıw, ǵárezsiz pikirlew processlerin kóteriw kerek. Bolajaq tárbiyashı-pedagoglar kásiplik motivaciyasın qáliplestiriwde tikkeley jámiyet jáne social buyırtpa mútajliklerine tayanadı hám bul proceste student hám oqıtıwshı sherikligi zárúrli faktor esaplanadı.
3. Kásiplik motivaciya studentlerde pedagogikalıq uqıp, pedagogikalıq improvizaciya hám pedagogikalıq texnikanı iyelewlerinde zárúr komponent esaplanadı. Onıń ushın studentlerdiń oqıw háreketleri tikkeley hám tikkeley bolmaǵan ámeliy iskerlik túrleri menen tıǵız baylanısta ámelge asırılıwın talap etedi.
II BAP. BOLAJAQ TÁRBIYASHÍ – PEDAGOGLARDA KÁSIPLIK MOTIVACIYANÍ QÁLIPLESTIRIWDIŃ DIDAKTIKALÍQ SISTEMASÍ
2. 1-§. Kásiplik motivaciyanı qáliplestiriw mazmunı hám strukturası
Joqarı tálim sistemasında oqıw procesin shólkemlestiriwde studentlerdiń jeke rawajlanıw sapaları hám qızıǵıwshılıqlarına itibar qaratıw zárúrli esaplanadı. Bolajaq tárbiyashı-pedagoglar kásiplik motivaciyasın qáliplestiriw arqalı pedagogikalıq processke tayarlaw olarda kásiplik kompetensiya, kásiplik kónlikpe, ilimiy tájriybelerdiń asıwına erisildi.
Bolajaq tárbiyashı-pedagoglar kásiplik motivaciyasın qáliplestiriwde tálim processinde hár qıylı óz-ara tásir kórsetiw usılları, studentlerdiń jeke beyimligi hám uqıbın asırıwda professor-oqıtıwshılardan pedagogikalıq uqıp hám principlerge ámel qılıw talap etiledi. Principlerdiń zárúrli tárepleri student shaxsınıń ishki múmkinshiliklerin kórsete alıw, aktivligin payda etiw, tálim processinde jeke dóretiwshilik qarasların bildiriw sıyaqlı payda boladı. Studentlerde usı kónlikpelerdiń qáliplesiwi kásiplik iskerlikke dóretiwshilik jantasıw, tálim ortalıǵına jańalıqlardı engiziw ilimiy tájriybeleriniń iyelewlerine kepillik beredi. Olarda pedagogikalıq iskerlikke dóretiwshilik jantasıw hám de tárbiylanıwshılar menen nátiyjeli baylanısta bolıw ilimiy tájriybesi, óz-ózin rawajlandırıw múmkinshilikleri jaratıladı.
Mashqala boyınsha ótkerilgen tájiriybe-sınaw jumıslarında studentler menen “BSDIÚ” oqıw modulın oqıtıwda tómendegi principler tiykarında oqıw -tárbiyalıq iskerlik dúzildi: