Masharipova barno erkin qizi

Ulıwma juwmaq hám usınıslar............................................................................99
Paydalanılǵan ádebiyatlar dizimi......................................................................102


KIRISIW
Magistrlıq dissertaciya jumısınıń teması : “Mektepke shekemgi bilimlendiriw shólkemlerinde bolajaq tárbiyashı-pedagoglardıń kásiplik motivaciyasın asırıw texnologiyaları”
Izertlew jumısınıń aktuallıǵı : Jáhánda tálimniń globallasıwı (globalization of education) nátiyjesinde birden-bir tálim mákanın jaratıw, onıń strukturalıq sistemaları arasındaǵı ayırmashılıqtı kemeytiw dástúri ushırasıp atır. Rawajlanǵan mámleketler mektepke shekemgi tálim sistemasında pedagoglardı tayarlaw mazmunın kásiplik kompetentlik hám motivacion faktorlar jardeminde jetilistiriw hám de jámiyettiń ózgeriwsheń talaplarınan kelip shıǵatuǵın social buyırtpanı tolıq orınlaw, atap aytqanda, mektepke shekemgi bilimlendiriw tarawındaǵı zárúrli wazıypalardı zaman talabı dárejesinde sheshiw, aqılıy jaqtan jetik , tarawdaǵı innovciyalıq processlerdi tez ózlestiriwge ılayıq qánigelerdi tayarlawǵa kop múmkinshilikler berilgen. Sonıń menen birge, mektepke shekemgi pedagogikalıq tálim hám ilimiy izertlew oraylarında bolajaq tárbiyashı-pedagoglar kásiplik motivaciyasın qáliplestiriw, innovciyalıq processlerdi ańlaw, olarǵa salıstırǵanda kásiplik poziciyanı qáliplestiriw, kásiplik kompetensiyaların qarar taptırıw boyınsha keń kólemdegi ilimiy izertlewler alıp barıw zárúrli áhmiyetke iye boladı.
Dúnyanıń bir qansha ilimiy izertlew institutları, mektepke shekemgi tálim shólkemlerinde bolajaq qánigelerde kásiplik motivaciyanı qáliplestiriwdiń social -psixologiyalıq faktorlardı úyreniw boyınsha ilimiy izertlewler alıp barılmaqta. Usı ilimiy izertlewler bolajaq qánigeler kásiplik motivaciyasın qáliplestiriwdiń eń nátiyjeli forması, tikkeley, oqıw procesiniń mazmunı ekenligin kórsetip atır. Mektepke shekemgi tálim sisteması tálimniń basqa basqıshlarınan obyektke salıstırǵanda ayrıqsha pedagogikalıq hám psixologiyalıq jantasıwdı talap etiwi menen parıq etedi. Ilimiy izertlew nátiyjeleri pedagogikalıq joqarı tálim shólkemleri mektepke shekemgi tálim baǵdarlarında oqıw procesin bolajaq tárbiyashı-pedagoglar kásiplik motivaciyasın qáliplestiriwdiń zamanagóy pedagogikalıq texnologiyalar, atap aytqanda, shaxsqa jóneltirilgen tálim strategiyası talapları tiykarında ámelge asırıwdı talap etedi.
Respublikamızda joqarı pedagogikalıq tálim mazmunın jáne de jetilistiriw, zamanagóy mútajliklerge say joqarı maman tárbiyashılardı tayarlaw, erisilgen ilimiy nátiyjelerdi mektepke shekemgi tálim ámeliyatına engiziwdıń nátiyjeli mexanizmlerin jaratıw sıyaqlı wazıypalar tálim sisteması tarawındaǵı baslı máseleler retinde belgilendi. Bolajaq tárbiyashı-pedagoglar kásiplik motivaciyasın qáliplestiriwde ámeldegi normativ hújjetler, oqıw joba hám programmalar mazmunına mektepke shekemgi tálim baǵdarına tiyisli bilim hám uqıptı rawajlandırıwǵa úndewshi shólkemlestirilgen ózgerisler kirgiziw zárúrli áhmiyetke iye ekenligin atap ótiw kerek. Mámleket hám jámiyettiń mektepke shekemgi tálimge bolǵan mútajligine kóre joqarı tálim mazmunın tálim xızmetleri bazarınıń qáliplesiwine uyqas halda jetilistiriwge zárúrli áhmiyet qaratılıp atır. Buǵan baylanıslı “Joqarı tálim sistemasın 2030-jılǵa shekemgi rawajlandırıw konsepsiyası”da “tálim mazmunın sapa tárepinen jańa basqıshqa kóteriw, miynet bazarında óz ornın taba alatuǵın joqarı maman kadrlar tayarlaw sistemasın jolǵa qoyıw” wazıypası kórsetilgen. Sonday eken, joqarı tálim mazmunın optimallastırıw hám de bolajaq tárbiyashı-pedagoglar kásiplik motivaciyasın qáliplestiriw, buǵan baylanıslı jeterlishe ilimiy izertlewler alıp barılmaganlıǵı temanıń aktuallıǵın quraydı.
Magistrlıq dissertaciya jumısınıń maqseti: bolajaq mektepke shekemgi tálim shólkemleri tárbiyashı-pedagoglar kásiplik motivaciyasın qáliplestiriw texnologiyaların jetilistiriwden ibarat.