Мавзу 29. Овқатдан заҳарланишни келтириб чиқарувчи микроорганизмлар: сальмонеллалар, ботулизм, протей ва бошқа бактериялар, микробиологик диагностикаси
Download 0.65 Mb. Pdf ko'rish
|
Мавзу 29 Ovqatdan zaharlanish yuqumli kasallik qo‘zg‘atuvchilari salmonellez, botulizm kasaliklarini laboratoriya tashxisi.
|
Иккинчи босқичи. 5- 6 соатдан кейин пептонли сувнинг юзида вабо
вибриони юпқа парда ҳосил қилиб ўсади. Ҳосил бўлган пардадан ёки юза қаватидан суртмалар ва «эзилган» «осилган» томчи препаратлари тайёрланади. Агар суртмада вабога ўхшаш вибрионла топилса, шу материалнинг ўзидан буюм ойначасида вабога қарши специфик О1 зардоб билан (1:100 суюлтирилган) агглютинация реакцияси қўйилади. Морфологик ва тинкториал хусусиятлари вабога ўхшаса ва агглютинация реакцияси О1 қон зардоб билан мусбат бўлса, пептонли сувнинг бир қисмини нитрозаиндол сина-масини ўтказиш учун бошқа пробиркага қуйиб олинади ва устига бир неча томчи сульфат кислота қуйилади. Агар натижа ижобий бўлса, вабо вибриони таъсирида ажралган индол ва нитратлардан нитрозаиндол ҳосил бўлиши нати-жасида пушти ранг пайдо бўлади. Текшириш натижасидан қатъий назар, материал иккинчи пептонли сувга экилади. О1-зардоб билан агглютинация берувчи грамманфий вибрионларнинг аниқланиши иккинчи марта дастлабки жавобни бериш имконини беради. Олинган натижалардан қатъий назар 14-схемада кўрсатилганидек текшириш давом эттирилади. Соф культурани ажратиб олиш ва уни идентификация қилиш учун (10 -12 соат) ишқорий агарда ва бошқа муҳитларда ўсган 5 – 6 та бир типдаги колониялардан фойдаланилади. Вабо вибриони ИА да катта бўлмаган дисксимон тиниқ S-колониялар ҳосил қилади. Агар озиқли муҳитдан ёруғлик нури ўтказилса вабо вибриони колониялари кўкимтир товланиб туради. Тиосульфат, цитрат, ўт кислотаси тузлари ва сахароза тутувчи (ТСВS) муҳитда вабо вибрионлари сахарозани ферментация қилгани учун муҳитдаги колониялари сариқ ранга киради. Анализни тезлатиш учун колониялардан тайёрланган бактерия суспензияси билан кенгайтирилган агглютинация реакцияси қўйилади. Бунинг учун пробиркаларда агглютинация берувчи О- зардобни пептонли сув билан титригача (0,5 мл ҳажмда) суюлтирилади. Сўнгра ҳар бир пробиркага 1—2 томчидан бактерия суспензияси томизилади. Агглютинация реакцияси натижаси 3—4 соат 37°С ли термостатда сақлангандан кейин аниқланади. Вабонинг соф культурасини ажратиб олиш учун шубҳаланган колониялардан ярим углеводли муҳитларга экилади. Download 0.65 Mb. Do'stlaringiz bilan baham: 
|