Mavzu: analitik kimyo fani, tadqiqot doirasi, maqsadi, vazifalari va usullari

usullarini yaratadi. 
2.Analitik kimyoning ahamiyati, fanlar tizimidagi o’rni, amaliyot bilan bog’liqligi. 
Analitik kimyo turli nazariy va amaliy muammolarni yechishda katta ahamiyatga ega. Falsafada 
"Analizsiz sintez yo’q" deb aytilishi analitik kimyoning qanchalik katta nazariy va amaliy 
ahamiyatga ega ekanligini ko’rsatadi.
Kimyoviy analiz xalq xo’jaligining ko’pgina sohalarda hususan meditsina, ekologiya, 
geologiya, geoximiya, fizika, mineralogiya, metallurgiya, kimyoviy texnologiya, biologiyada, turli 
texnologik jarayonlarni nazorat qilish va boshqarishda keng qo’llaniladi. Kimyo fanining 
rivojlanishi ham analitik kimyo bilan bevosita bog’liq. Moddalarning molekulyar massasini 
aniqlash, ekvivalentini topish, molekulyar formulalarini keltirib chiqarish analitik kimyo usullari 
yordamida amalga oshiriladi. Barcha moddalarning tuzilishi, ularning kimyoviy formulalarini 
yaratishda analitik kimyodan foydalaniladi.
Analitik kimyo paydo bo’lgan davrdan boshlab oziq-ovqat sanoati va metallurgiyaning 
rivojlanishiga hamkorlik qilgan. Fabrika, zavodlarda analiz uchun laboratoriya xonalari mavjud 
bo’lib, xar bir ishlab chiqarilayotgan maxsulot, xom-ashyo, yarim fabrikat va ishlab chiqarish 
chiqindilari analiz qilinmoqda va shu analiz natijalariga qarab xom-ashyo va tayyor
maxsulotlarga baho berilmoqda. Qo’yidagi bir necha aniq misollar bilan fanning axamiyati 
qanchalik yuqori ekanligini ta’kidlash mumkin: Masalan oziq-ovqat maxsulotlari deyarli har 
tomonlama analiz qilinishi shart. Ularning tarkibiga kiruvchi un, yog, shakar, suv, tuz kabi xom-
ashyolar birma-bir tekshiruvdan o’tkaziladi. Ularni tarkibidagi inson salomatligiga zarar 
keltiruvchi moddalar aniqlanadi va tayyorlash texnologiyasi nazorat qilinadi. Atrof-muhitni
muxofaza qilishda analitik kimyo fanining o’rni beqiyos. Chunki kundalik xayotimizda 
ishlatilayotgan ichimlik suvlar, xavo tozaligini doimo nazorat qilish kerak. Atmosferaga 
avtotransport va texnologik jarayonlardan tashlanadigan turli zaxarli gazlar miqdorini aniqlash 
zarur. Hozirgi vaqtda analitik usul va asboblar yordamida kimyoviy texnologik jarayonlarni 
nazorat qilinmaydigan birorta ham korxona yo’q.