Mavzu: Davlat boshqaruvi tushunchasi. Reja: Davlat boshqaruvi va ularning turlari

Attestatsiya, tor ma'noda, xizmatchilarning professional, ishchanlik va shaxsiy xislatlariga baho berish, uning xizmat-lavozim talablariga mos kelishini tekshirish maqsadida o`tkaziladi.
Attestatsiya keng ma'noda, quyidagi asosiy vazifalarni amalga oshiradi:

1. 
   amaliyotda davlat xizmati prinsiplariga rioya etish;
   
2. 
   davlat xizmati tizimida qonuniylikni ta'minlash;
   
3. 
   davlat organlarining professional kadrlar majmuasini tashkil etish;
   
4. 
   davlat xizmatchisining xizmat bo`yicha harakatlanishi maqsadida ularning potensial imkoniyatlarini aniqlash;
   
5. 
   davlat xizmatchisiga javobgarlik choralarini qo`llash; intizomni va javobgarlikni oshirish;
   
6. 
   xizmatchilarning xizmat zinapoyasi bo`yicha harakatlanishini ta'minlash;
   
7. 
   davlat xizmati muvozanatini ta'minlash;
   
8. 
   davlat xizmatchilarining malakasini oshirishni tartibga solish;
   
9. 
   davlat xizmati tizimida huquqbuzarliklarga va korrupsiyaga qarshi kurash va ogohlantirish va boshqalar.
   

Attestatsiya davlat xizmatchilarining professional xislatlariga baho berishdir. Ayrim hollarda attestatsiya aniq maqsadlarga erishish va aniq qo`yilgan vazifalarni hal etish maqsadida ham o`tkazilishi mumkin.
Davlat xizmatchilarini attestatsiyadan o`tkazishni tashkil etish organlarning rahbarlari zimmasiga yuklatiladi. Attestatsiyani o`tkazish maqsadida attestatsiya komissiyasi tuziladi, attestatsiya o`tkazish jadvali tasdiqlanadi, attestatsiyadan o`tkazilishi lozim bo`lgan shaxslar doirasi belgilanadi hamda attestatsiya komissiyasi uchun zarur bo`lgan hujjatlar tayyorlanadi.
Attestatsiya natijalariga ko`ra davlat xizmatchilariga quyidagi uch turdagi baho berilishi mumkin:
birinchidan, egallagan davlat lavozimiga loyiqligi;
ikkinchidan, xizmat faoliyati yuzasidan attestatsiya komissiyasi ko`rsatmalarini bajargan taqdirda, egallagan lavozimiga loyiqligi;
uchinchidan, egallagan davlat lavozimiga loyiq emasligi.
Agar davlat xizmatchisi egallab turgan davlat lavozimiga noloyiq deb topilgan bo`lsa, u malakasini oshirishga yoki qayta tayyorlanishga yoxud boshqa davlat lavozimiga o`tkazilishi mumkin.
Davlat xizmatchilarini attestatsiyadan o`tkazish – kadrlar siyosati va davlat xizmatini boshqarishda demokratik jarayonlarni chuqurlashtirishning huquqiy vositasi hisoblanib, davlat organlarida maqsadga muvofiq yo`naltirilgan kadrlar siyosatini tashkil etish va amalga oshirishni ta'minlaydi.