Мавзу: Кaсбгa йўнaлтириш билaн боғлиқ турли жaрaёнлaрнинг моделлaрини ишлaб чиқиш вa унинг тaркибий қисмлaрини aсослaш

Tibbiy konsultatsiya.

• Har bir o’quvchi o’ziga adashmay kasb tanlar ekan, uning mazmunini bilishi va unga qiziqishini anglatishning o’zi etarli bo’lmaydi. U kasbning insonga qo’yadigan barcha talablariga o’quvchining sog’lig’i javob bera olishini ham bilish zarur.
• Ma`lumki, o’quvchilarning meditsina ko’rigidan o’tib turishi maktab shifokori va maxsus tibbiy tashxis nazoratiga yuklatilgan. Maktab shifokori o’quvchining o’sish va rivojlanish xususiyatlarini, ular sog’lig’ining ahvolini muntazam kuzatib borishi lozim. Kasb tanlashga doir barcha maslahatlar har bir o’quvchining individual xususiyatlaridan kelib chiqqan holda berilishi lozim, chunki organizmdagi kasalliklar ayrim kasblarni tanlash va egallashga yo’l bermasligi mumkin.
• Noqulay sharoitlar ta`siri ostida o’quvchilar organizmida funktsional, ba`zan esa potologik buzilishlar nisbatan tez-tez paydo bo’ladi. Maktab yoshidagi bolalarda odatda o’z imkoniyatini ortiqcha baholash hamda atrof muhitni to’g’ri baholay olmaslik hollari uchraydi. SHu sababdan ko’pgina o’smirlar o’z sog’liqlari tanlanayotgan mehnat turiga mos kelish-kelmasligi-ni hamma vaqt ham hisobga olavermaydilar, bu masalaga ota-onalar ham doimo to’g’ri munosabatda bo’lavermaydilar, noto’g’ri tanlangan kasb salomatlikni keskin yomonlashishiga olib kelishini kamdan-kam o’ylaydilar.

Psixologik-pedagogik konsultatsiya

Kasbga doir konsultatsiyaning bu turi o’quvchilarga o’z imkoniyatlarini to’g’ri baholash, faoliyatning individual uslubini hosil qilish imkonini beradi, shaxsiy qiziqish va qobiliyatlarini bozor iqtisodiyotining malakali kadrlarga bo’lgan ehtiyojlari bilan moslashtirish uchun yaxshi sharoitni ta`minlaydi. Biroq, kasbga doir konsultatsiyaning bu turi bo’yicha bir qator nazariy va metodik masalalarni etarli ishlab chiqilmagani va tayyorgarligi bo’lgan mutaxassislarning kamligi muayyan darajada qiyinchiliklar tug’diradi. Mavjud qiyinchiliklarga qaramay, hozirgi paytda psixologik-pedagogik konsultatsiya masalalari bo’yicha muayyan ishlar qilinmoqda, keyinroq ularni amalga oshirish yuzasidan qator metodik tavsiyalarni beramiz.

Eng ko’p tarqalgan metodlardan biri suhbat metodi. Bu metodning maqsadi o’quvchi shaxsining mayli va kasbga doir qiziqishlarini aniqlashdan, zarur hollarda esa kasbga doir qiziqishlarni jamiyatning ijtimoiy ehtiyojlariga muvofiq ravishda tuzatishdan iboratdir.

E'tiboringiz uchun rahmat!