Mavzu: Meyorida rivojlanayotgan bolalarning ilk yoshida nutqiy, psixik va jismoniy rivojlanish qonuniyatlari Reja

Statik funksiyalar (bolaning harakat malakalari)

Statik funksiyalar bolaning motor rivojlanishini hisobga olgan holda baholanadi. Bu bolaning turlicha harakat malakalari. Bunda bolaning boshini tutishini qaysi vaqtdan boshlanganligini, qo‘li bilan harakat bajarganini (ob’ektni ushlab ko‘rish, changallash, bir qo‘l bilan o‘yinchoqlarni ushlay olishi, turli harakatlarni bajarishi) dinamik funksiyalarning yuzaga kelishi (qorin bilan orqaga, orqasi bilan qorniga ag‘darilishi, sudralishi, o‘tirishi, tik tura olishi, yurishi, yugurishi) aniq vaqtlarini hisobga olish zarur. 2 oylikda bola boshini yaxshi tuta oladi, 3 oylikda esa, qorni bilan orqasiga yaxshi ag‘darila oladi, 6 oylikda o‘tiradi, agar uni o‘tkazishsa, 7.5 oylikda (bola sudralishni yaxshilab o‘rganib olsa) o‘zi o‘tiradi, 9 oylikda yaxshi tura oladi, 10 oylikda manejda, qo‘lidan ushlaganda yuradi, 12 oylikda mustaqil yura oladi. Statik funksiyalarni rivjlantirishda bolalar uchun turli kompleks mashqlar o‘tkaziladi: 1 oylikdan 3 oylikkacha, 3 oylikdan 6 oylikkacha, 6 oylikdan 9 oylikkacha, 9 oylikdan 12 oylikkacha.