Mavzu: Mineralogiya haqida umumiy tushuncha Reja

Oraliq qavat eklogit qavat ostida joylashgan. Zichligi 5,3-6,6. U 1200km chuqurlikdan 2900km chuqurlikkacha davom etib, taxminan 1700 km qalinlikka ega. Bu qavatning tarkibi to’g’risida bir–biridan keskin farq qiluvchi har xil taxminlar bor. Ayrimlar oksidli birikmalardan tuzilgan desa, ayrimlar sulfidli birikmalar ko’p deyishadi. Shuning uchun bu qavatni sulfidli–oksidli zona yoki xalkosfera deyishadi. Boshqalar bu oraliq qavat(geosfera)ni silikatli litosferadan yerning metallsimon yadrosiga o’tish zonasi deb hisoblashadi va bu zonada temir, nikeldan iborat toza metallar ko’p degan hulosaga kelishgan. Akademik A.E.Fersman bu qavatni rudali geosfera deb atagan.
Markaziy yadro 2900 km chuqurlikdan boshlanib yerning markazigacha, ya’ni 6370km gacha yetadi, demak radiusi 3470 km ga teng bo’ladi. Yadroning zichligi 9-11 ga teng deb hisoblanadi. Yadroning tarkibi va undagi moddalarning xolati xali aniqlanmagan.
Har xil fikrlarga qaraganda yadroning tarkibiy qismi bo’lib temir (90,67%) va nikel (8,5%) hisoblanadi. Bundan tashqari kobalt, fosfor va uglerod bor deb taxmin qilishadi.