Зарарли чиқиндилар учун тўлов. Бу усулга кўра атроф-муҳитга чиқарадиган ҳар бирлик зарарли чиқиндиси учун фирмаларга тўлов белгиланади. Ушбу усул, тажриба кўрсатаяптики, атроф-муҳитга чиқариладиган умумий чиқинди ҳажмини камайтиришга олиб келади. Лекин, бу тизимни аниқ ишлашни тўлиқ кафолатлаш қийин. Табиий муҳитни зарарлаш ҳуқуқини сотиш. Давлат маълум соҳа бўйича зарарли чиқиндилар чиқаришнинг мумкин бўлган ҳажмини аниқлаб, уни рухсатнома (лицензия) шаклида аукцион орқали сотади. Фараз қилайлик, давлат чиқиндиларни 2000 кг дан 1000 кг гача туширмоқчи. Бу ҳолда давлат бир килогарммдан чиқинди чиқаришга рухсат берадиган 1000 та рухсатнома сотади (6-расм). Рухсатнома таклифи эластик бўлмаганлиги учун мувозанат ҳолат E1 нуқтада ўрнатилади. E1 нуқтада бир килограмм чиқинди чиқариш рухсатномаси нархи 500 доллар. Агар атроф-муҳитни муҳофаза қилувчи маҳаллий «яшиллар» ҳаракати партияси маҳаллий жойда экологик вазиятни яхшилаш мақсадида 100 та рухсатномани сотиб олиб уни сотувдан чиқарса, битта рухсатнома нархи кўтарилиб 600 долларга тенг бўлади. Бу ушбу усулнинг эгилувчан эканлигини кўрсатади. - Чиқинди бирлиги учун тўлов, $/бирлик
- Рухсатномалар сони ёки чиқиндилар миқдори
Do'stlaringiz bilan baham: |
