Mavzu: tuproq tuzilishini aniqlash

Ish haqida hisoblatda bajarilgan ishning maqsadi, vazifasi, namuna olingan donodor tuproqning turli xildagi kattalikdagi elak ko’zlaridan o’tkazilgan miqdoriga qarab jadval to’ldiriladi.


AMALIY MASHG’ULOT №2
MAVZU: YERNI ISHLAYDIGAN QISHLOQ XO’JALIGI MASHINALARI BILAN TANISHISH
Ishdan maqsad: Yerga ishlov beradigan qishloq xo’jaligi mashinalarining vazifasi, tuzilishi va ishlash tartibi bilan tanishib chiqish.
Kerakli jihozlar: Qishloq xo’jaligi mashinalariga doir adabiyotlar, plakatlar, maketlar.
Umumiy ma’lumot:Kuzda shudgor qilingan yerlar kuzgi, qishki va bahorgi yog’ingarchilik tufayli zichlashadi, bahor kelishi bilan tuproqdagi nam bug’lana boshlaydi va begona o’tlar unib chiqadi. Shuning uchun bahorda yerni o’z vaqtida ekishga tayyorlash ayniqsa muhimdir. Yerni ekishdan oldin ishlashda bir qancha maqsadlar ko’zda tutiladi: tuproqda nam saqlash; yer tekislash; begona o’tlarni yo’qotish; tuproqning urug’ tushadigan qatlamini yumshatish va uning unib chiqishi uchun qulay sharoit yaratish va boshqalar.
Yerni ekishga tayyorlash tuproq sharoitiga va ekinlarning turiga bog’liq. Yerni ekishga tayyorlash asosan boronalash, kultivasiya qilish, lushilnikda yuza yumshatish, disklash, g’altaklash va zarur bo’lgan hollarda qayta haydashdan iborat.
Ishni bajarish tartibi:Fermer xo’jaligi mashina-traktor saroyidagi plug, kultivator va boronalar bilan tanishib, ular qanday maqsadlar uchun ishlatilishini yozib oling.Traktor plugining tuzilishi bilan tanishib chiqing, ular qanday qismlardan tuzilgan va ularning ish organlari qanday vazifani bajarishi haqidagi ma’lumotlarni yozing.
Kultivatorning xillari bilan tanishib chiqing, ularning qanday qismlari borligini aniqlang.Kultivatorning ish organlarining tuzilishini, vazifalarini yozib chiqing va rasmini chizing.
Boronalarning tuzilishi bilan tanishing va ularning bir-biridan farqlarini ajrating. Diskli boronaning seksiyalari va batareyalarida qanchadan disklar bor va ular qanday holatda o’rnatilganini ko’rib chiqing.
Yuqoridagi ma’lumotlar asosida quyidagi jadvalni to’ldiring.

QXM turlari	Tuzilishi	Qamroq kengligi, m	Haydash chuqurligi, sm	Ish unumdorligi, ga